historie

 

 

الجزء 16

انا : صباح الخير يحيى
يحيى : صباح النور عالية شوفي راه عندي واحد السفرية ديال الخدمة لاكادير و الواليدة قالت ليا نجيبك معايا باش تكلسي معاها شويا المهم جمعي حوايجك غانكلسو سيمانا
انا : واخا
كون ماكانت مك كاعما ديني معاك الله يديك لجهنام اوجه النحس جمعت الدار و فطرت ليوما الحد يحيى ماخدامش و لكن ماكاينش فالدار ماتسوقتش ليه جمعت حوايجي و كلست ماكاين مايدار شويا غرني الشيطان و قلت علاش ماندخلش لبيت يحيى نبقشو شويا و يا ريتني مادرتها
دخلت بديت كانقلب مالقيت تا حاجة مهمة طاحت ليا حلقة من ودني هبطت نقلب عليها و انا نلقا واحد صنيديقة صغيرة جبدتها حليتها لقيت فيها تصاور يحيى و وحد خيتي اكيد هي بتيسام و واحد الخاتم مارياج ديال الدهب و ريحة ديال الدراري
يحيى : اشداك تقيسي الحاجة لي ماشي ديالك
هزني من دراعي و شنق عليا
يحيى كايهدر معصب : ياكما راك تيقتي راسك مراتي ديال بصح ماكانبغيش نتعدا عليك و لكن نتي ماشي ديال الضسارة نساي داكشي لي طرا البارح انا ماكنتش عارف اش كاندير بطا عليا امتا تكمل هاد 6 شهر و نتهنا من كمارتك
خرج و خلاني حتا كانقول كولشي تقاد و كايضرب كولشي ف زيرو تاني باقا شهرين و تكمل 6 شهر فينما كانتفكر هادشي قلبي كايتقطع انا كانبغيه اه كانبغيه و واخا عمرو عاملني مزيان و لكن انا عارفا قلبو مزيان غير الوقت و الحياة لي مامزياناش
يحيى : يالاه المصيبة لي سلطها عليا الله غانشدو الطريق دابا
هزيت صاكي و ماجاوبتوش شدينا الطريق لاكادير غير ركبت فالطوموبيل نعست باش نتفادا الصداع مع يحيى
يحيى مع راسو : اففف لا انا مايمكنش نكون كانبغي هاد البرهوشة هي ماعندها عقل باغا غا تلعب و تفلا ،بلي شفت داك خينا شادها فالعرس حسيت بالسخونية طالعا معايا كيما كان الحال مابقا قد مافات و نتهنا

  الجزء 17

يحيى سايق و كايشوف ف عالية لي ناعسة بحال شي بنيتة صغيورة و الشعر مغطي ليها وجها وقف الطوموبيل و بقا كايتأمل فيها يالاه غايدير يديه يحيد الشعر على وجها و هي تفيق كاتحل عينيها بشوية جات عينيها ف عينيه توقف بيهم الزمن و هوما كايشوفو ف بعضياتهم حدرات عالية عينيها و يحيى عاق براسو و ديمارا الطوموبيل و زاد
يحيى : وصلنا لدار الواليدة هبطي
هبطنا طلعنا عدوزتي مسكينة ستقبلاتني بالثمر و الحليب حيت اول مرة نجي عندها تعاملنا طبعا كزوج و زوجة عاديين فالليل عطاتنا عدوزتي بيت مريم القديم ننعسو فيه
اويلي كي غادنيرو هادشي ماضربتش ليه الحساب
يحيى دخل و تلاح فوق الناموسية بكل أنانية و بقى كايلعب بالتيليفون
انا مارضيتش هزيت كرسي دخلت البالكون و سديت عليا و بقيت جالسة و البرد كاينفخ فيا كبريائي مايسمحش ليا نخرج عندو ولا نشارك معاه الفراش
يحيى مع راسو : نشوفو ا للالة عالية واش قصوحية راسك غاتنفعك معايا
انا ماقدرتش نعس بالبرد مابقيتش كانحس بيدي و رجلي وجهي زراك و حسيت بالحكرة و الغربة داتني عيني و غمضت شويا حسيت بشي يدين هازيني كان يحيى حطني فالناموسية و غطاني و باين فوجهو الخوف و انا كانقفقف بالبرد ماقدرتش ننعس ضربني البرد و بقيت كانكحب و نعطس يحيى كالس حدايا و كايتحسر حيت هو السباب و ماكلف راسو نا يطلب السماحة انا كانشوف فيه بحقد صبح الصباح و انا ماقدرتش نود بالدوخة و ضاربني البرد مزيان عيني ماقاداش نحلهم
خالتي : الله يا بنيتي مالك ياكما كاين باس
انا كانشوف ف يحيى و كانهدر : لا غير ماكنتش لابسة مزيان و البالكون كان محلول و ضربني البرد
يحيى : نوضي نمشيو للطبيب
انا : بلا ماتعذب راسك
يحيى : نوضي بلا قصوحية الراس
مابغيتش نبقا نكتر معاه الهدرة حدا عدوزتي مشينا للطبيب الطريق كاملة و انا مخنزرة


 

 الجزء 18

دوزت شرا ليا الدواء و رجعني للدار
بقيت انا و عدوزتي فالدار مسكينة قابلاتني بحال بنتها الله يكتر خيرها
جا يحيى فالليل دخل عندي للبيت لقاني مكمشة و ناعسة غطاني و عاودت حيدت عليا الغطا
انا : الى طلقتيها ماتوريهاش دار باها
يحيى : راسك قاصح
ماجاوبتوش و درت للجيه الاخرى و خليتو هز حوايجو ديال النعاس و خرج نعست تا انا فقت فالصباح حسيت براسي مزيانة جمعت الكوزينة و صاوبت الفطور فاقت عدوزتي و شيخي يحيى مابايتش فالدار حنا جالسين كانفطرو تادخل كحل العفطة
يحيى : صباح الخير
الكل : صباح الخير
انا : نكب ليك قهيوة ؟
هو : لا شكرا
خالتي : ولدي خرج نتا و مرتك شويا وريها المدينة و تساراو
يخيى ماقدرش يرفض لمو : واخا الواليدة
انا فرحت حيت غانخرج
يحيى : عالية اجي عندي للبيت بلي تسالي
جمعت الطبلة و الماعن و مشيت عندو
يحيى: على السلامة بلي تفكرتي راه عيطت ليك
ماجاوبتوش درت يدي على خصري و تكيت على الحيط و هزيت حاجب و كانشوف فيه زعما هدر خلاص طلقنا
يحيى : وجدي راسك واحد الساعة و نرجع نلقاك واجدة
انا : اوكي
خرج يحيى و جات عندي عدوزتي للبيت تطمأن عليا شديتها بقات جالسة حدايا و مجمعين
خالتي : احياني ا بنيتي على الوقت كاتريب بنادم
انا : علاش ا خالتي
خالتي : كانتفكر ولدي كي كان كيولى قلبي كايتقطع
قبل 10 سنين ا بنيتي كانت الضحكة مكاتغيبش على وجهو و ناشط و كايبغي الحياة و جات خانزة ديال الخلى دمراتو و كرهاتو فراسو و فالدنيا جاه اكتئاب حاد و تصدم صدمة خيبة مشى لدانمارك حيت بغا يتفادى يتلاقا مع ديك خيتي واخا صدفة و بغا ينسى
انا بلي حسيت بولدي غايضيع مني قررت نزوجو باش نتهنا عليه كان ديما كايرفض و بلي شفتك ا بنتي قررت انك نتي لي غاتكوني عروستي حيت كانعرف عائلتك و عارفاك مربية و بعقلك واخا صغيرة

  الجزء 19

قلت ليه ها سخط ها رضا و بطبيعة الحال دار ليا خاطري انا عارفاه ماباغيش هاد الزواج و يمكن حتى نتي و لكن لي بغيتك تأكدي منو ا بنتي بلي يحيى ولد مزيان هو بلي كايتعامل بعصبية و قسوة غير باش يبين للناس بلي هو قوي و لكن هو راه محطم من الداخل الى بغيتيه ابنتي راه تقدري ترديه حتى هو كايبغيك انا ماكانقولش هاد الهدرة باش ندافع على ولدي و لا باش نستاغلك باش ترديه للحياتو الطبيعية كانقولها حيت كانشوف الحب لي فعينيك ليه
انا تصدمت من كلام خالتي و بقيت غير كانشوف بقات فيا و بقى فيا يحيى و بقى فيا حتا راسي حيت حسيت براسي ضايعة و مخربقة
بتاسمت لخالتي مسحات ليا على شعري و خرجات
لبست سروال تجين كحل كونفيغس بيضا قميجة بيضة و تجاكيط كحلة ديال الجلد درت لشعري ضفيرة ديال السبولة و اكتفيت بماسكارا و كحل و كلوس فلون فمي جا يحيى
يحيى : الواليدة فين عالية ؟
خالتي : راه فالبيت ا ولدي سير عندها
وقف حدا باب البيت و وقف مدهول كايشوف ف عالية كادور فالبيت كاتقلب على شي حاجة بحال المسطية ضحك عليها كانت اول مرة تشوفو كايضحك ضحكتو زوينة و هو زوين و كلشي فيه زوين
انا : اش كاين مالنا ؟ اففف واش مابانش لك صاكي
يحيى : دايرة النضاضر و ماكاتشوفي تا وزة راه موراك
ضحكت على راسي هزيت صاكي و خرجت سبقتو
يحيى : كايعجبك لبحر ؟
انا : اه كانموت عليه
يخيى : سعداتو
حشمت و هبطت راسي بقا كايشوف فيا و يضحك
مشينا لواحد ريسطو حدا البحر
يحيى : تعصبت اش داني ندوموندي الحوت كي كايديرو ينقيو هاد العجب
انا : هههه واش نتا ديما هاكا معصب معصب حتا على راسك
يحيى : خشي فوجهك و سكتي
جريت ليه طبسيلو و نقيت ليه الحوت و رiديتو ليه
يحيى : شكرا علاش عدبتي راسك راه كانعرف نقيه
انا : ههه باينة ماشي موشكيل ا سيدي بالصحة

  الجزء 20

كملنا الغدا و خرجنا كانتمشاو حدا البحر
يحيى : شفتي هاداك الكلب لي لهيه كايتعتابر من اخطر انواع الكلاب كان عندي بحالو
غير سمعت الكلب تخبيت ورا يحيى و شديت ليه فيديه كانترعد
انا : فيناهوا فين يالاه نحيدو من هنا عافاك
يحيى كايضحك على المنظر ديالي تا دمعو ليه عينيه عمرو ماضحك بحال هاكا من نهار عرفتو
يحيى : مادام انا معاك ماعندك مناش تخافي
فرحاتني هدرتو و حسيت بالأمان
انا : يالاه نمشيو
فالطوموبيل
يحيى : غدا غانرجعو للدار فالصباح ساليت خدمتي هنا
انا : افف ماسخيتش بخالتي
يحيى : حتى هي ماسخاتش بيك نتي عزيزة عليها بزاف
انا بابتسامة : اه عرفت و حتى هي و الله
وصلني يحيى للدار و مشى يقضي شي غراض و طلعت انا جمعت مع خالتي شويا و طلعت نجمع حويجي
الغد لي غالصباح
انا : تهلاي فراسك ا خالتي و سلمي على عمي بزاف بلي يجي
خالتي : حتى نتي ا بنيتي تهلاي فراسك و فراجلك و ماتغبروش عليا
يحيى : وا صافي بحالا غاديين للغابون
شدينا الطريق شعل يحيى الراديو كانت باديا اغنية ديال عمر دياب
" انا عايش و مش عايش و مش قادر على بعدك ، و لا عارف فيوم انسى و لا عايز حبيب بعدك "
طفاها و عاودت شعلتها و عاود طفاها
يحيى : واش يديك كاياكلوك انا كانكره هاد الاغنية
انا : و انا مالي انا كاتعجبني
يحيى : كايهدر من تحت سنانو و عينيه مغرغرين كانت كاتغنيها ليا ابتسام و فنما كنسمعها كانتفكرها
انا : سمح ليا ماقصدتش
وصلنا للدار ستفت الحويج و صبنت لي خاصو يتصبن و وجدت غدا خفيف مع العيا تغديت و مشيت نتكا يحيى ماكاينش كي ديما
فقت لقيتها 5 ديال العشية و يحيى باقي ماجا جمعت حوايجي و مشيت للحمام نكمد عظامي نحيد العيا ديال السفر
يحيى دخل للدار و مالقا تاواحد كايقول مع راسو
يحيى : فين مشات هادي ؟ ياكما طرات ليها شي حاجة

  الجزء 21

الى وقعات ليها شي حاجة ماغانسمحش لراسي حوايجها هنا و لكن هي فينها ماموالفاش كاتخرج و تعطل بحال هاكا
عالية من 5 و هي خارجة دازت للصالون مارجعات تال 9:30 ديال الليل مع الدخلة للدار جرها يحيى
يحيى : فين كنتي اش هاد التعطيلة واش ماحشمتيش عقلي كان ايخرج و تخلعت عليك كون طرات ليك شي حاجة كون مت
عالية بصدمة : كيفاش ؟ تخلعتي عليا ؟ تموت ؟ اش هاد الهدرة ؟ من ايمتى كانهمك انا اصلا ضحكت باستهزاء و درت عندو انا كنت فالحمام و ماكاين لاش تخاف نموت كاع عارفة زايد ناقص عندك
زدت و خليتو
يحيى : كانبغيك
جمدت فبلاصتي بلي سمعت هاد الهدرة
يحيى : انا كانبغيك ا عالية
انا : لا نتا ماكاتبغينيش نتا كاتبغي غير راسك لي كايبغي شي واحد ماكيجرحوش لي كايبغي شي واحد ماكيتكرفسش عليه لي كايبغي شي واحد ماكايضروش و نتى هادشي كامل درتيه و رديتي ليا حياتي جحيم
خرجت كاع داكشي لي فقلبي من جيهتو كاع داك الحزن و الظلم لي كنت كانحس بيه قلتو ليه
خرج و خبط الباب بالزربة
دازت يومين و باقي ماجاش للدار ياكما واقعة ليه شي حاجة لا اسيدي ربي حفظو ليا كيفما كان الحال انا كانبغيه
النهار الرابع دخل حادر راسو و باينة فيه عيان و ماناعسش مدة
متبقاش كيدوي معايا ولا يعايرني ولا والو بحالا ماكايناش واخا كانخلي ليه الماكلة ماكاياكلهاش
بقى فيا الحال من جيهتو داز وقت و حنا على ديك الحالة ليوم 5 شهر و 25 يوم دازت على زواجنا يعني باقي 5 ايام
كانحس بالكتئاب و العيا بحال شي واحد عاد راجع من الحرب مابقيت باغا والو باغا غا النفسية ديالي ترتاح
بديت كانجمع ف حوايجي ما بقا والو و نرجع بمرة لدارنا يحيى كايشوف و ساكت
باقي نهار غدا غانمشي بحالي
دخلت عند يحيى للبيت باش ندوي معاه
انا : ها هي 6 شهر سالات كيفما كنتي باغي

  الجزء 22

و هاد المسرحية تا هي
من ليوم غاتولي ديال راسك و غاتهنا من هاد البرهوشة او المصيبة لي لاصقة فيك
عمرني ماكنت كانتخايل راسي غانتزوج بهاد الطريقة و غانطلق بهاد الطريقة يمكن هادشي لي مكتب ليا الله
كانتمنى ليك السعادة و كانتمنى تلقى المراة لي تنسيك فكلشي
انا كانبغيك ا يحيى و يمكن حتى نتا و لكن هادشي ماكافيش نتى نفسك عزيزة عليك و انا كرامتي ماتسمحش ليا نصبر ل الإهانة تضربت و تعايرت و تظلمت و تحكرت صافي مانقدرش نصبر مازال كان كايحساب ليا الزواج غايعوضني على شحال من حاجة كيفما قالت ليا مي و لكن بعد المرات كانغلطو فالحكم ديالنا على العلاقة الزوجية حطيت ليه خاتمو و خرجت
دخلت للبيت سديت عليا و كلست ماهبطات ليا تا دمعة صافي نشفو و عينيا طابو خليت ليه حوايجو لي شرا ليا و الدهب و كلشي
سمعت التهراس فالبيت لي فيه يحيى مشيت كانجري لقيتو شخشخ كلشي و كالس فالأرض و يديه عامرة دمايات
جبت العلبة ديال الاسعافات الاولية مسحت ليه الجرح بلا مانهدر معاه داويتها ليه و لويت عليها الفاصمة هزيت راسي لقيتو كايبكي بهيستيرية بحال شي ولد صغير هربات عليه مو
مسحت ليه دموعو بغيت نوض و شدليا ايدي
يحيى : انا كانبغيك ا عالية تيقيني بصح انا جرحتك و درت شحال من حاجة خايبة و لكن عرفت بلي مانقدرش نعيش بلا بيك تا دقيقة نتي كلشي عندي نتي تستاهلي يبغيك الواحد انا ماغاديش نسمح فيك حيت كنبغيك اه كنبغيك نساي الطلاق نتي ماعندك فين تمشي بلاصتك هي قلبي هنا و كيشير لصدرو غاتبقاي فدارك حدا راجلك هاد 6 شهر عتابريها سطاج ديال الزواج حيت غانتزوجو ديال بصح
تخلطو ليا الدموع مع الضحكة عنقتو حطيت راسي على صدرو و بقيت كانبكي و حتى هو كايبكي درنا جنازة ههه
قررنا ننساو كلشي و نبداو من جديد
جمعنا بزوج الروينة ليدار و مشيت للكوزينة

  الجزء 23

انا كانوجد الفطور و حبيبي مقابل معايا كايشوف فيا و مبتاسم الله شحال زوين
يحيى : شعرك زوين طويل بحال لسانك
انا كانضحك : هه ميغسي
يحيى : مابيناتناش ا حبيبة
انا : حشمت و حدرت راسي
ناض عندي شد وجهي بين يديه و باس ليا راسي
تغدينا فجو زوين اول مرة نتغداو مجموعين ههه
يحيى : الزين ديالي انا غادي خدام دابا نتلاقاو فالعشية و غمزني
انا : واخا الله يسهل عليك
نضت معاه تال الباب باس ليا راسي و مشى
اوا هادا هو الوقت فين نوجد لشي ليلة رومانسية من داكشي
جمعت شعري ديل الحصان و درت ماسكارا بينات ليا جمال عينيا وحيدت النضاضر تاني خصرو ليا المنظر ههه درت عكر حمر ناشف و لبست واحد لاغوب قصيرة كحلة و من لفوق شبكة و الظهر كلو عريان و سباط كحل عالي
زوقت الناموسية كلها ورد احمر و وجدت عشى خفيف رومانسي و شعلت شموع عطرية بريحة الفاني سمعت الصونيط فالباب اكيد حبيبي هدا
حليت
يحيى : سمحي ليا ا ختي واقلة غالط فالعنوان
بديت كانضحك و جريتو دخلتو و سديت الباب مدة و حنا كانشوفو ف بعضياتنا كسرت الصمت
انا : واش بغيتي تعشى ؟
يحيى : بيك اه
انا : ضحكت و شديت ليه ايديه و ديتو لبيت النعاس عجبو المنظر بزاف عنقني و طبع بوسة على يدي اوا و كملو من راسكم ههه
كانت اسعد ليلة ليا مع راجلي اه دابا ولا راجلي ديال بصح

   الجزء 24 

كان كايحساب ليا غانبقاو ديما هاكا و لكن كنت غالطة
فقت الصباح مالقيتش يحيى حدايا نضت دوشت و لبست و خرجت نوجد الفطور يحيى ماكاينش فالدار او هادا فين مشى
جمعت الدار بانت ليا واحد الورقة فوق الطبلة كانت استدعاء من المحكمة على ود الطلاق
لا مايمكنش لا يحيى كايبغيني تحشو عليا الركابي و ديك الهدرة كاملة و داك شي لي عشناه البارح مايمكنش هادشي كلو يكون كدوب ماقدرتش نستحمل هزيت حوايجي و مشيت لدارنا سولوني الدار قلت ليهم غانطلق مي ماقدراتش تناقش معايا بلي شافت حالتي خافت يجيني انهيار عصبي تاني
مشيت للمحكمة فالنهار الموعود و انا كانقول فراسي اكيد كايتفلى يحيى كايبغيني هادي غير شي مفاجئة
و لكن داكشي كان بصح قويت راسي و دخلت للمحكمة الجلسة كاملة ماشفتش فيه و لي ضارني هو انه ضحك عليا على الاقل نعرف غير السبب
دازو الجلسات و طلقنا اه انا دابا مطلقة و انا بنت 22 عام اش غايقولو عليا الناس دارنا ماحيلتهم ليا لي مرضت و غي كانخمم الماكلة قطعتها ماحيلتهم لهدرا ديال المجتمع لي ماكايرحمش دازت 4 شهر على طلاقي دابا
مي : بنيتي واش ما رديتي البال لوالو
انا : لا ا مي شنو
مي : من نهار جيتي ما جاتك حق الشهر سيري دوزي ا بنيتي راك حاملة واقيلا
انا مصدومة و كنبكي : و لكن ا مي انا ماباغاش نحمل انا ماخصنيش نحمل
مي : قضاء الله هدا ا بنتي لي بغاها ربي مرحبا بيها و تا الى كنتي حاملة راك ماجبتيهش من الزنقة ا بنتي
مشيت لفرماسيان جبت تحليل البول الغد ليه فالصباح درتو و توقعات مي كانت فمحلها
بكيت و خبطت ففخادي حتى شبعت
با : حلي ا بنتي هاد الباب حلي واش بغيتي تقتلينا بالخلعة عليك
مي : حنا سبابك يا بنيتي غير حلي

  الجزء 25

حليت و تلاحيت على با و بكيت حتا بردت هزيت راسي فالمراية شفت فوجهي مزيان مابقيتش كانشبه لراسي
ضعافيت و تبدلت
علاش حتا ندير فراسي هاد الحالة ينعل بو الدنيا
من داك النهار حلفت مانبقا نزل دمعة ولدي انا قادة نربيه
خرجت كانقلب على خدمة والو و تقول شويا دخلت لواحد الشركة و تلاقيت مع سيهام صاحبتي تعانقنا حتى بكينا عاودت ليها كلشي بقيت فيها و قالت لي بلي هي خدامة هنا و تقدر تشوف ليا مع الحاج المدير ديال الشركة يشوف ليا شي بوسط
انا : الى درتي فيا هاد الخير عمرني نساه لك
سيهام : نتي ختي الحمارة خلي ليا السيفي ديالك و كوني هانيا
من بعد ربعيام عيطات لي سيهام و قالت ليا نجي ندوز اونطخوتيان باش نبدا دوزتو و تقبلت فرحت بزاف
بديت الخدمة فقسم المحاسبة كنت خدامة فجو زوين و حتى الخلصة كانت كافياني و مقنعاني
درت 7 شهر كرشي ولات سابقاني هه غلاضيت خرجت من الخدمة مع 6:00 و مشيت دزت للقيسارية خديت شي حوايج للبيبي قالت ليا الطبيبة عندي بنيتة داكشي كايحمق شريت شي لبيسات و رجعت للدار دخلت و تفاجأت لقيت خالتي و مريم كاينين مع ماما
انا : السلام عليكم عنقاتني خالتي و بدات كاتبكي مسكينة و مريم حتى هي
خالتي : سمحي ليا ا بنتي سمحي ليا ماعندي وجه باش نجي عندك
انا : ماتقوليش هاد الهدرة ا خالتي معزتك باقا ف بلاصتها لا نتي لا مريم
مريم : ماتقلقيش حيت عمرنا جينا نشوفوك ماما كانت عندها عملية ف فرنسا و يالاه رجعات هادي شهرين بلي برات شويا جينا عندك
انا : سمحي ليا ا خالتي ماكانتش ف خباري مايكون عندك باس
خالتي : لهلا يوريك باس ا بنيتي كيدايرة نتي مع التقل و اشنو عندك ؟
انا : واقيلا بنيتة هادشي لي قالت لي الطبيبة
مريم : هه هي نزوجها لولدي
انا : و فين نلقى شي نساب بحالكم مرحبا نتي راك ختي ا مريم

  الجزء 26

خالتي : احياني ا بنيتي راني مكوية من جيهتك من نهار مشيتي و انا مريضة
انا : خالتي انا مامشيتش و لحد الان انا ماعارفاش لاش طلقت
قلبات ماما الموضوع و بقينا داويين
مريم فودني : نودي بغيت ندوي معاك
مشينا لبيتي
مريم : عالية انا عارفة سباب الطلاق ، يحيى مريض هو دابا ف الدانمارك مشى يدير عملية تماك على القلب نسبة النجاح كانت عندو ضعيفة و خاف لا يقولها لك و تخلاي عليه هو كان عارف راسو مريض بلي مشيتو عند الوليدة لاكادير ماكانتش عندو خدمة غير كدب عليك كيف كدب علينا كاملين كان متبع مع الطبيب ديالو و كايدير شي تحاليل
العملية دازت و هو دابا بيخير مابغاش يرجع للمغريب حيت ماعندوش الوجه هادشي فخباري انا وياك فقط الى عرفات الوليدة راه مريض تقدر تمشي فيها و نتي عارفاها ماعندها صحة
انا بصدمة : و لكن و لكن انا ماكنتش غانتخلى عليه كيفاش فكر هاكا انا كانبغيه هادا ماشي مبرر باش يخليني
مريم : انا فاهماك ا عالية هادشي قلتو ليك غير باش مايبقاش ضارك راسك و ماتقوليها ل حتى واحد هو ديما كايسولني عليك و ماناسيكش غايتسطى عليك
انا : هو عارف بلي انا حاملة ؟
مريم : لا تبغي نقولها ليه ؟
انا : لا عافاك و وصي حتى ماماك مابغيتوش يعرف عافاك
مريم : اوكي ختي لي بان ليك
مشات خالتي و مريم و خلاوني كانخمم كيفاش عطاتو خاطرو انا كانبغيه مستحيل نخليه كيفاش قدر يفكر هاكا
بعد مدة
انا : مي راه باقي الحال على الولادة باقي 10 يام
مي : واش الولادة غاتعلمك كلسي ا بنت الحرام والله كون ماجيتيني واحلة فروحك تانشتف عليك على قصوحية راسك
ضحكت على مي مسكينة خايفة عليا
انا : كوني هانية ا زهرة ماعندك مناش تخافي
مشيت للخدمة سيهام ماكاتحيدش من حدايا خايفاني نولد هه كلشي خايف عليا حسيت بشي وجع خفيف ماديتهاش فيه


  الجزء 27

خرجنا مع 6:00
انا : لا مايمكنش مايمكنش يكون هو ماخاصوش يشوفني
شافني يحيى و جا كايجري انا ماقدرتش نجري مع التقل
يحيى شد لي ايدي : عالية كيدايرة ماتصوريش شحال توحشتك علاش ماقلتيش ليا حاملة علاش انا رجعت و عمرني ماغانخليك مازال
انا : طلق مني ، سمح ليا انا ماكانعرفكش
نطرت ايدي و دورت وجهي غانمشي و جرني عندو بالجهد
يحيى : نتي ماعندك فين تمشي بلاصتك هي دارك الى ماشي على قبلي غير على قبل داكشي لي فكرشك
انا : سير فحالك هادي بنتي انا بوحدي غانولدها بوحدي و نربيها بوحدي نتا ماعندك تا بلاصة بيناتنا
شدني من دراعي بجهد و كايهدر من تحت سنانو : عالية ماتخلينيش نفقد اعصابي
انا : ماشي شغلي عطيني التيساع ا سيدي اش بيني و بينك
يحيى حط يديه على كرشي : هادشي لي فكرشك و بيناتنا حب كبير ماتقدريش تنكريه
غرغرو ليا عينيا مشيت و خايتو واقف وصلت للدار و عاودت لمي اش وقع
مي : بنيتي كون ماكانش باغيك مايجيش عندك رجعي لراجلك و ماتخليش هاد البنية تكبر بلا باها
انا : باها غاتشوفو امي انا مافارقاش بيناتهم و لكن مانقدرش نرجع ليه
مي : ديري عقلك ا بنيتي تا باك راه ماكرهكش ترجعي لدارك فكري ا بنيتي الله يرضي عليك
الغد ليه جات خالتي و مريم و شيخي و يحيى هدرو مع با و مي و تغدينا مجموعين
خالتي : بنيتي انا ماغانبزز عليك والو وراك عارفة معزتك عندي ، انا بغيت نشوفكم مجموعين و تكبرو بنيتكم بيناتكم نعلي الشيطان ا بنتي و ماعرفتي الخير فين كاين
شيخي : الله يهديكم ا بنيتي على بعضياتكم
انا : يكون خير ان شاء الله
فرحو مساكن بهدرتي خالتي باست ليا راسي و بدات كاتبكي مسكينة حشماتني
با : سيري ا بنتي نتي و راجلك للبيت هدرو شويا
مشيت و تبعني كحل العفطة كلست و كلس حدايا
انا : نوض بعد مني را تيساع عطاه الل

  الجزء 28

يحيى : انا موحش مراتي و باغي نكلس حداها شي موشكيل
انا : هه شفتك تيقتي راسك مراتك غير فالوراق نتا مابقيتي كاتعني ليا والو شوف لي نطولوه نقصروه انا رجعت على قبل بنتي
يحيى : بنتنا ، ماكايهمش المهم غايجمعنا سقف واحد و الا انا ماكانعنيش ليك نتي راك كاتعني ليا
انا : اففففففف كاتعصبني صافي سير فحالك دابا
من بعد 5 ايام درنا العقد و رجعت لداري ماتبدل فيها والو كلشي باقي كيف خليتو
يحيى حط ايديه على كرشي و قال : مرحبا بيكم فداركم
قرصتو فايديه تا طار
انا : ماتمسنيش الله يرحم باك
يحيى : عالية سمحي ليا بلي عرفت راسي مريض و نسبة نجاح العملية ضعيفة خفتك تخلاي عليا بلي تعرفي حيت نتي باقا صغيرة و باغا تعيشي ، و حتى الا ماتخليتيش عليا نتي تنهد و قال خفت نموت انا و نخليك داكشي علاش بان ليا الطلاق هو احسن حل
خنزرت فيه
انا : مابغيتش نتناقش فالموضوع و هادشي ماشي مبرر نتا تخليتي عليا و صافي المهم انا غادا نعس حيت عيانة بلا ماتفيقني
يحيى : ماغاتاكلي والو ؟
ماجاوبتوش و مشيت
ضرباتني الفيقة مع 7 ديال العشية
لقيتو حاط الماكلة فوق الطبلة و كاياكل مشيت جلست فالارض مخنزرة و شعري واقف جريت حدايا الطبلة و بديت كاناكل بحالا خارجة من الحبس هادي تنفع هادي تضر حتى عمرتها مزياان و دفعت الطابلة و سرحت رجليا مبقيتش قادرة نتحرك مازال
يحيى كايشوف فيا و كايضحك شحال كايبان زوين و هو كايضحك
انا : ضحك الضحك راه فيك
يحيى : شحال كاتحمقي و نتي كاتاكلي هاكا
انا : شحال كاتعصبني و نتا كاتهدر هاكا
جر ايدي باسها و ناض كايجمع الطبلة
مشيت لصالون شعلت التلفازة و جلست نتفرج
يحيى : نقدر نتفرج معاك ا زين ؟
انا : مسينا على الله
يحيى : عالية ماغاتسمحيس ليا ؟
انا : لا ابدا غير نسا و دابا سكتنا خليني نتفرج

  الجزء 29

يحيى : اوكي ، ايييييي قلبي غادي نموت
انا نضت مخلوعة كانترعد : يحيى ؟ حبيبي ماالك ؟ باش كاتحس لا ماغاتموتش انا سمحت ليك صافي غير نوض ماتخلينيش عافاك
يحيى جرني عندو تا تلاصقت معاه : و بلي نتي خايفة عليا و مسامحاني لاش دافعة كبير ا حبيبة
صرفقتو على حر جهدي تصدم و كلست كانبكي بهيستيرية
انا : حرام عليك نتا كاتلعب بيا كيف بغيتي اه انا كانبغيك و كانموت عليك و نتا كاتستغل هادشي باش دير فيا مابغيتي واش عارف شحال قاصيت بلي قريت ورقة الطلاق ؟ كنت غانموت و انا ماعارفاش السبب كانتمنى الموت و لا نتفارق معاك بلي عرفت راسي حاملة ماعرفت نبكي ولا نفرح كانحس بطرف منك كايكبر وسط مني و لكن نتا مامعاياش انا عمرني نفكر نتخلى عليك نتى راك الروح ديالي واخا معرت اش يطرى عمرني نخليك و غانبقا نبغيك ديما
جرني لعنندو عنقني و حط راسي على صدرو
يحيى : صافي تهدني كلشي فات دابا ، عالية سمحي ليا انا ا للالة حمار و مكلخ و ماكانعرفش نفكر و برهوش و ماعندي عقل و كانبغيك
انا : ههه حتى انا كانحماق عليك
دوزنا ليلة رومنسية بكل المقاييس عوضنا فيها هاد المدة كاملة واخا بوقالتي برزطاتنا ههه
فقت الصباح لقيت يحيى كايشوف فيا و يفرنس بوحدو
يحيى : ههه عالية بلتي ف حويجك
انا : لهلا يحيك اويلي اش هادشي لا مايمكنش باقي الحال على الولادة
يحيى : غاتولدي ؟
انا : اااااااااااااااااي وا ميييييييييييي غانمووووووووت ا عيباد الله عتقو الرووووووح
يحيى تلف ولا يدخل و يخرج فالهدرة
يحيى : بلاتي انا غانديك لا صبري ا حبيبة باش كاتحسي
انا : وا عتقنييييييييي ا وجه النحس راه كانموووووووت
هزني يحيى فالطوموبيل داني للكلينيك كسرت الدنيا بالغوات حسيت بواحد الوجع خطيييير الله يسمح لينا من الواليدين و صافي
ولدت عادية دازت الولادة على خير

 الجزء اﻷخير

رجعت للدار انا و حبيبي و بنتي نور باها لي ختار ليها هاد السمية حيت نورات لينا حياتنا

انا : علاش هاد الخسران كامل ا يحيى غير كاضيع فالفلوس هاكاك

يحيى : ماشي سوقك هادا سبوع بنتي الغزالة خليني نفرح بيها مال الدنيا مايسوا والو قدامها

انا : هه دبر راسك ا سيدي حيد خليني نوض

يحيى : لا راك باقا عيانة رتاحي ليا مع راسك باش تبراي دغيا راني توحشتك

انا : هههه لا غانتعطل شوية ا حبيبي النفاس غايدي لينا واحد 40 يوم

يحيى حل فمو : لا ماتقوليهاش شنو زعمة انا نضيع دابا

انا : هههه اش بغيتيني ندير ليك هادشي بسباب بنتك نور

يحيى : اففف نصبر اللالة نصبر عليك

داز السبوع وااااعر بالدقيقية و الجوق يحيى فرحان دبح جوج حوالة كبار

داز السبوع مزيان و رجعت انا و حبيبي لحياتنا لي تزادت فيها الغزالة ديالنا نور مسكين يحيى ديما كايفيق معايا فالليل بلي كانوض ن رضعها و عمرو ما تعامل معايا خايب بلعكس كانت حياتنا حلوة ضروري من شوية المشاكل بحال كاع الناس و لكن على وجه الحب كلشي يهون

ماغاديش نقول هادي النهاية ، حيت هادي يالاه البداية ..

الجزء الأول

 لا ا مي مانقدرش نتزوج بيه انا مازال صغيرة و باغا ندير داري و طوموبيلتي و نسيفطك نتي و با للحج

مي : بنتي مستقبلك هو دارك و راجلك حنا ماباغين منك والو بغيت غير نتهنا عليك حتى الا مت نموت مرتاحة

غرغرو ليا عيني من بعد هاد الهدرة ماغانستحملش نبعد عليها دخل علينا با على غفلة مولاي العربي و من لا يعرفه لقاني كانتغبن و هو يخنزر فيا و قال : واش باغا تبقاي تاكلي ليا فالخبز هنا بلا فايدة لا زين لا قراية لا حداكة هاد السيد لي غايديك را بخيرو و خميرو و غاتعيشي فالنعيم

سمحو ليا زربت عليكم هادي الواليدة زهرة و با بغاو يزوجوني حيت بالنسبة ليهم البنت مصيرها دارها و الكوزينة اما القراية غير تخربيق .... عندي جوج خوتي كبار مزوجين بجوج خواتات و عايشين ف استراليا من نهار مشاو مابقاو جاو ولا عقلو علينا و عارفين با تقاعد ديالو على قد الحال انا هي الصغيرة سميتي عالية عندي 21 عام سمرة و قصيرة شوية و مطيبزة الفورمة هي هاديك الزين جا تال عندي و قلب الدورة و لا ماعرت انا حاكرة راسي شعري واقف كي الجيكس و لكن كحل و طويل عينيا كبار و مشفرين هادشي لي كايميزني

انا : مي انا غادا مع سيهام للقيسارية

الواليدة ( جايا هازة اليد ديال المهراز ) : و الله يا ديك الزركة و ماتكلسي يا تا نشخشخ ليك راسك

انا : بديت نتخبن و الخنونة و الحالة نطلب و نزاوك فمي ها العار ا مي البزيزيلة و الله مانتعطل

الواليدة : بقيتي فيا ا تريكة ديال الطلابة صافي سيري و ماتعطليش راك مابقيتيش ديال راسك

انا : ربي يخليك الحبيبة وا اري شي ربعمية دريال الى خصاتني شي حاجة ، بانت ليا الواليدة طلع ليها السكار بلي سمعات الفلوس و انا نعلق قبل ماتعطبني

 الجزء2

 الواليدة : اويلي على بنت الحرام 7 ديال العشية هادي و هي باقا دايعة فالزناقي الله يلقيها ليها فاقساني

با : فرقي عليك البنت ها هي قريب تمشي و تخليك غا بوحدك

الواليدة : ماتفكرنيش ا العربي ماساخياش بيها و لكن حياتها هي اللولة

انا : يالله ا صحبتي را تعطلنا صافي زيدي

سيهام : واخا واخا مالك زربانة دابا تحبي تا نتي و تحسي بيا

انا : بغيت ليك الحبوب نتي وياه دتبا يشبع فك بوسان و يلوحك كي الجرتيلة

براهيم ( عندو بوتيك ديال الحويج فالقيسارية و صاحب سيهام ) : مالنا على هاد الهدرة ا عالية را كانبغيها و غانتزوجها غا واقيلة نتي غاتسبقينا واقيلة را عاودات ليا سيهام على عريس الغفلة و بدا يفرنس

انا : صفاريت جريت سيهام برا و بديت نقرس فيها و نعض ياك كانقولك ماتبقايش ديري ليا الشوهة بقا ليا غا هاد القرد يتمركن عليا

سيهام : غوبشات و ماعجبهاش الحال جمعي فمك ا صاحبتي را ماشي براني غي راجل ختك بدات تفرنس تا هي جابت لي الضحكة

انا : صلفي غبري عليا ل داركم تا الليل و نتعايطو خليني نطلع مي راه دارتني ف مختفون واقيلة

طلعت لدار كانتسلت تلاقيت مع با ف الدروج غادي للجامع بست ليه يديه و طلعت مع الدخلة طارت عليا مي بنتفة شعري زين و زاد كمل دابا

انا : وا مي طلقيني را غاتقتليني

لا حياة لمن انادي بردات مي غدايدها و تلاحت ف السداري و سرحات رجليها

مي : فين كنتي ا عزري الدوار الفاقساني المشيراني

انا : حرام عليك ا مي واش انا ماندورش بحال البنات شوية نفوج على قلبي

مي : سدي دلقوشك ا زغبية و لا نود ليك انا ماعندي بنات لي يدورو و تقعدي جمعي حوايجك نمشيو للحمام راه غدا جايين الناس يشوفوك

انا قلبي تقبض عليا و حسيت بالحكرة ماباغاش نتزوج ا عيباد الله

انا : مي اري نهز عليك السطولة غاتكوني عيانة ، مي قولي ليا هاد الناس لي

 الجزء 3

غايزوجوني بولدهم شكوناهما و فين كايعرفوني و علاش بغاوني انا

مي : قرصاتني تا طرت انا سخفانة دابا تال الدار و نعاود ليك

دخلنا للدار عمرت اتاي و حطيت حليوات رقدت بيهم الواليدة باش تعاود ليا

مي : درك راسك العفريتة ، عاد المراة راها بنت عم باك ساكنة ف اكادير هي و راجلها عندها ولد واحد عايش ف الدانيمارك و بغات تزوجو و قالت ماكاين ماحسن ليه من دمها لي هي نتي و باك وافق حيت الدري شارب عقلو و و غايعيشك مزيان

انا : و لكن خاصني نشوفو و نتفاهم معاه

مي : غدا غايجيو و شوفيه ولا يشوفك

انا : مي فاش خدام و شحال عندو من عام

مي : باقي صغير عندو 39 عام فاش خدام ماعرت

انا : اويلي على باقي صغير هادا راه يولدني ا مي حرام عليكم لحتوني هاد اللوحة ة بديت نغبن

مي : نودي من حدايا ا وجه القهرة و الله تاتزوجيه راه عطينا الكلمة للناس

مشيت للبيت باش ننعس ماجانيش نعاس بقيت كانخمم عيطت لسيهام عاودت ليها بدات كاتبكي بحالا هي لي غاتزوج شحال هبيلة صافي قطعت و نعست

مي : وا فيقي المسخوطة راه 12 هادي و الناس جايين دابا

قلبت تيليفون لقيتها يالاه 10

انا : ا مالك ا زهرة زدتي ساعتين كاملة كاع

مي : شيرات عليا بالصندالة غاتنودي و لا مايعجبك حال راه خاصك تمشي ل الصالون و تقادي حالتك يالله يبان فك الضو شويا و نتي بحال المعزة

شكرا يا أماه ديما هازة ليا المعنويات انا غاسمعت الصالون و ندت نجري لبست جلابتي او خنشتي عطاتها ليا مي بلي صغارت عليها الثوب ديالها جايبو ليها با ف الدفوع ههه طركت سيهام و مشينا للصالون تفو شحال عامر بالبركاكات و بالصهد و بكلدوب و كلشي وصلاتني النوبة صاوبو ليا شعري و وجهي لي خاصو يتنتف نتفوه و لي خاصو يتصبغ صبغوه ماسالاو تا غفر ليا الله الدنوب

سيهام : ياه كاتشبهي ل صاحبتي عالية غا هي عورة و نتي

الجزء 4

 

لا نتفتها و درت زيفي و نضاضري و خرجنا ( نسيت ما قلت ليكم ختكم عورة هه ) وصلت للدار شافتني مي و عينيها غرغرو و عنقاتني

مي : تباركلاه على بنيتي عروسة

انا : صافي ا مي راه غانبدا نبكي

ضرت لقيت سيهام كاتهرنن بقيت نضحك عليها انا و مي و على هبالها و دخلنا للبيت شفت راسي فالمراية و تزعطت فيا هههه او سبحان مبدل الاحوال دارو ليا ماكياج خفيف بزااف و شعري بوكلي بنت زوينة لبست واحد الكندورة بيضة و فيها طريزات بالصم لصفر و شربيل صفر و طلقت شعري و جبتو بجنب حطيت انا و مي و سيهام لغدا سمعنا الدقان الناس جاو انا قلبي كايضرب على جهدو و فيا التبوريشة و الردان بحالا غايعدموني ههه

با : محبا ببنت عمي و فاميلتها تفضلو نهار كبير هادا

مي : مرحبا مرحبا زيدو تفضلو

كلسو الناس و جا با خرجني من الكوزينة بزز ماقدرتش نتحرك ههه كاتبان ليا مراة تكون ف الستينات و راجلها و بنت تكون قدي و ولد عندو شي 3 سنين سلمت عليهم و كلست

الحاجة نعيمة : تباركلاه و الصلاة على النبي انا ا بنتي هي عدوزتك و هادي مريم بنتي و هادا ولدها محمد امين بتاسمت و قلت ليهم مرحبا بيكم متشرفين

مريم : غزالة تباركلاه عليك خويا ماقدرش يجي معانا اليوم مشا هو و الوليد يقضيو شي شغل

با : ماكاين باس ا بنتي نتوما فيكم البركة

دازت العشية مزيانة الصراحة ناس ضريفين و متواضعين و باينة لباس عليهم غير من لبسهم انا و مريم تصاحبنا دغيا و تبادلنا ارقام التيليفون ضريفة بزاف و كاتدخل للخاطر

مشاو الناس جمعت الروينة انا و سيهام و شديتها تبات معايا جات عندي مي فالليل

مي : بنتي باك تافق مع الحاجة سيمانا الجاية العقد و الدفوع و من موراها بشهر العرس ان شاء الله

انا : زربانين ا مي باغين تهناو مني

مي : و شكون يسخا بكبدتو يا بنيتي هادي سنة الحياة

الجزء 5

خرجات مي بقيت مجمعة انا و سيهام حتى داني النعاس

السيمانة دازت طايرة فالتوجاد و الماسكات هادي تبيض هادي ترطب و الجرا على الوراق و داكشي

انا : اففف ا سيهام انا غدا غانتزوج براجل ماكانعرف عليه حتا سميتو و شارف عرفتي حاسة بروحي غاتزهق

سيهام : سكتي ا صاحبتي دابا توالفيه و تحبيه و تولي هادي كلها غا هدرا

انا : بغيت شي قصة حب بحال دبا الهنود

مي : لاواه الشينوة الى كرمات الحنة قشريها و دوزي تنعسي را تابعانا تامارة غدا

مشيت ننعس و انا دايرة يدي على نيفي كانشم ريحة الحنا

انا : شوفي عافاك ماتقويش ليا الماكياج بزاف و ديري ليا شي مشيطة غير خفيفة و سامبل

الكوافورة : كوني هانية غير رتاحي

من بعد ما ساليت شفت ف المراية عجبني راسي جات داتني بنت عمتي بالطوموبيل من الصالون طالعة فالدروج ستقبلوني بنات خوالي و عمامي بالزغاريت و الصلاة على النبي احساس زوين الصراحة دخلت لبست قفطان بيض كلو حجر غزال مع انا سمرة جا معايا هو هداك و سباط طالون بيض هادشي كلو سلفاتو ليا بنت خالتي اللع يخلف عليه بقيت جالست فالبيت و حشمانة شوية كانسمع الدقة المراكشية و الزغاريت عرفت الدفو جا

انا : اويلي قرصيني ا مي انا ف حلم و لا علم هادشي كلو على قبلي ا سعدي ا فرحي

مي : و مالك الهبيلة ماتستاهليش هادشي بصااح ا بنيتي و نتي راك غاتزوجي لينا

انا حشمت و حدرت راسي

الحاجة و مريم دخلو عندي للبيت : تباركلاه الله يحجبك ا بنتي مريم دارت ليا واحد الشال بيض فوق راسي و قالت ليا باش نخرج العدول جاو خرجوني من البيت بالصلاة و السلام و انا عينيا ف الارض و حشمانة هزيت راسي بان ليا واحد الراجل جالس مع با حدا العدول لابس كوستيم كحل و قاميجة بيضا و كرافاط كحلة سنانو بيضين و مستفين شعرو رطب و كحل و مخلط بالشيب داير ليه جيل و رادو اللور

لقراءة قصص رومانسية بالدارجة آخرى من هنا

الجزء 6

كايبان زوين و انيق قالت ليا مريم فودني هادا هو يحيى راجلك بتاسمت و حدرت راسي دار ليا با بلاصة حداه بدا العدول الاجراءات ديال الزواج عطاه يسني و تعطل بقا شاد الستيلو و مزير على يديه انا تزيرت و حبساتني البكية بدا العدول كايكحب بلعاني عاد سي يحيى فاق من القلبة و سنى سنيت ختى انا و بداو الزغاريت صافي ولا راجلي دابا كانشوف فيه بنص عين كايبان ليا ماحاملش هادشي كلو و كالس على اعصابو
الحاجة نعيمة : نود ا ولدي نتا و مراتك هدرو شويا و تعرفو على بعضياتكم دخلنا ل بيتي جلست فوق ناموسيتي و هو جر كرسي جلس عليه و سد الباب و جبد كارو كايتكيف و كايخنزر فيا و باينة فيه كاعي على الوضعية
يحيى: شنو سميتك
انا : عالية قلتها و حادرة راسي
يحيى : ماعلموكش داركم بلي من قلة الادب تدوي مع شي واحد و عينيك ف جيهة خرا
تصدمت اويلي هادا مالو يالاه غادي نهدر و هو يقول
يحيى : شوفي باش نجيك من اللخر انا الواليدة لي بزاتك عليا و قالت ليا ها السخط ها الرضى ماعرفتش اش عجبها فيك برهوشة صغيرة غاتزوج بيا انا هادشي لي بقا و لا باينين لقيتو الواليدة نية و كليتو ليها دماغها أ العائلة الطماعة ماحسيتش براسي تا تلاحيت عليه بغيت نصرفقو كيفاش تجرأ يقول عليا هاد الهدرة ماقدرتش نستحمل هدرتو كي القرطاس
يحيى و هو شاد ليا ايدي : اش باغا ديري ا البرهوشة باغا ضربيني ؟ لصقني مع الحيط و بدا كايهدر من تحت سنانو هادشي لي طرا غايبقا بيناتنا اصلا تا واحد ماغايتيقك انا باش ندير الخاطر للواليدة غانتزوج بيك من بعد الزواج ب 6 شهر الله يعاونا و يعاونك غانطلقو
خرج و سد الباب و سد عليا بيبان الامل لي كان عندي
تفرتكات الجقلة و الناس مشاو و انا بدلت دوشت و هربت من أسئلة مي و سيهام درت السبة بالنعاس مابغيت ندوي مع حتى واحد ف حتى حاجة انا حياتي


 الجزء 7

حياتي وصلات نهايتها واخا باقا كاعمة بدات بقيت كانخمم و نبكي و ندعي ربي يدير تاويل ديال الخير اليامات كادوز و العرس كايقرب عدوزتي و مريم ماخلاو ماشراو ليا مساكن مهليين فيا ديما كانبغي نفركع الرمانة و نعاود اش وقع و لكن بلي كانشوف الفرحة ف عاينين مريم و خالتي و با و مي كانتراجع و كنصبر و نعطيها للبكا ماقدرت نعاود لحتى واحد اصلا هادشي مافيه مايتعاود
مريم : لا ا صحبتي انا غاندوز موراك و يوصلنا يحيى ماكايت لا ازعاج لا والو
انا : واخا ا زين لي بان ليك يالله بلي توصلو عيطي ليا نهبط
الله يا ربي كي غاندير نتلاقا بداك الكمارة تاني تفو يا ربي امتى يدوز هاد العرس
مي : عالية نزلي را البنت كاتسناك
نزلت وصلنا كحل العفطة لواحد المنتجع تجميلي كان لابس تيشورت بيض و تجين زرق و نضاضر الشمس رايبان كايبان بحال شي ممثل الطريق كاملة مادوينا من غير السلام وصلت انا و مريم تهلاو فينا مزيان قادو ليا شعري رطبوه و صاوبو ليا حجباني و ضفاري و لاسيغ للحمي كامل حشمت كنت بحالا خرجت من الحبس شكرت مريم بزاف على هاد النهار الزوين شدينا طاكسي و جات معايا للدار كانت باقا يومين للعرس دوزتها غا راحة كانحس براسي اميرة الغد ليه نقشت انا و مريم و صاحبتي سيهام و ماما و عدوزتي دوزنا ديك العشية ناشاط انا و العائلة الشطيح و الرديح نعسنا بكري مع العيا صبح صباح حليت عيني كانشوف الحنا حمرة فايدي شميتها و تبسمت فيقت البنات دوشت و فطرت و صليت لبست بقيت كالسة مع الدار تغدينا
مريم : عالية هادا الوقت للصالون لبسي حوايجك و يالاه
نضت لبست جلابة بيضا ديال الراندة و درت فولار بيض سلمت على مي و با رضاو عليا و خرجت لقينا يحيى كايتسنا لتحت باش يوصلنا شاف فيا من المراية القدامية
يحيى : نتي ما عندك لي يوصلك نبقا انا ديما غادي جاي بيك

 الجزء 8

مريم قلباتها ضحك و انا ماجاوبتش دخلنا للصالون قادوني مزيان تصدمت فراسي او واش هادي هي عالية الخويبة لا محاال جيت واعرة بمعنى الكلمة
مريم حالة فمها : اويلي هادشي فين كان مخبي
انا : صافي راه كانحشم ا صاحبتي هه
عنقاتني مسكينة و باستني جا راجلها دانا من الصالون هاد المرة سميتو احمد ضريف و هبيل بحالها وصلنا للقاعة لبست تكشيطة فالابيض و كلست فالعمارية جا العريس حيد ليا الفوال على وجهي و باس لبا راسي بز منو طبعا حتى هو جا زوين بزاف بيني و بينكم تزعطت فيه هزو بيا العمارية و بقاو يشطحو بيا نخضوني هههه داز عرس واعر واخا كلشي مزور و لكن احساس زوين تحسي براسك عروسة لبست لاغوب و توادعت مع عائلتي الدموع ولاو بحال الواد باس ليا با راسي و عينيه مغرغرين و جر يحيى و قال ليه : تهلى فيها ا ولدي راه غير هي لي عندي يحيى بقا كايشوف ف با و حدر راسو و تبسم ركبنا ف الطوموبيل و مشينا لدار يحيى او داري الجديدة
الطريق كاملة و انا مدورة وجهي للزاج و دموع هابطين كي الشتا حسبت بالشمتة و الغبينة و الحكرة وصلنا للدار حط ليا باليزتي فواحد البيت و زدح الباب و خرج من بعد ما تأكدت راه خرج نضت بدلت دوشت لبست بيجامتي و طحت دودة ماعقلتش امتى نعست
حليت عيني فالصباح كايبان ليا يحيى مقابل معايا عودت غمضتهم ماحملتش كمارتو مع الصباح حل عليا الشرجم و حيد عليا الغطا
يحيى : نوضي ا للالة سالا النعاس وجدي راسك من دابا شويا غاتجي لولليدة و مك يطلو عليك تصرفي بحالا ما واقع والو ماجاوبتوش و نضت كانقلب على نضاضري ماعقلتش فين حطيتهم شويا بان ليا لاحهم و كيعفط عليهم
يحيى : بلي نكون كانهدر عطيني وقت كاتفهمي
بديت نبكي و نشهق انا ماكانشوف والو بلا نضاضر و تعصبت جاني نهيار عصبي بقيت كانضرب فراسي و فيه و ف اي حاجة قدامي حتى طحت سخفت

 الجزء 9

فقت لقيتها 9 ديال الليل لقيت الواليدة حدايا و كاتمسح ليا على شعري قالت ليا بلي جاتني نوبة عصبية حيت ماخديتش دوايا ( فيا العصاب و عايشة غي ب دوا) و جابت ليا نضاضري سوكور لي فدار قاليها يحيى بلي هرست نضاضري الكداب لاخور
مشات مي و نضت نقلب مانجغدد النهار كامل ما واكلة والو كانحس بالدوخة قلبت التلاجة لقيتها كاتصفر طلع ليا الدم تكيت فبلاصتي و بقيت كانبكي جا يحيى دق الباب و دخل عندي
انا : اش بغيتي
يحيى : صغيرة و خويبة و عورة و مسطية مازال المهم راه عشاك ف الكوزينة لا تموتي ليا هنا
هدرتو ضراتنيو عصباتني شربت الدوا لا ندير فيه شي جريمة و نعست الغد فقت غسلت و مشيت للكوزينة وجدت الفطور حطيتو فوق الطبلة فطرت و خليت لبوركابي لا يحساب ليه جيعانة و مشيت نقاد الحويج فالبلاكار بان ليا فاق و مشا يفطر ماقال تا صباح الخير ياكل فيه السم خرج لخدمتو و نضت انا جمعت الدار و صاوبت لغدا و كلست كانتفرج النهار كامل و انا بوحدي السي يحيى ماداخل تال 11 د ليل ناشط و كايغني و انا كانتقلا بالسم بدل حوايجو و خرج كلس فالصالون و خدا ليا التيليكوموند و دار فيلم ديال الخليع ختكم خوافة نتضت كنجري سديت عليا البيت و نعست بقينا هاكاك ماكاندويوش مع بعضياتنا حتا من السلام هو الاخير ماكاينش و الى هدر كايعاير و صافي
واحد النهار انا جالسة فالعشية تا دخل كي العجاجا شنق عليا و زدحني مع الحيط
انا : طلق مني ا الوحش بعد مني
هو : صافي هادشي لي علموك فداركم فيناهو الشيك لي كان فوق الطبلة دوي ؟ عطيتيه ل شي برهوش بحالك و لا خزنتيه لدواير الزمان ا الشفارة
ماقدرتش نستحمل هدرتو دخل ل بيتي رونو كامل حيت يحسابني شفارة شوية عيط ليه صاحيو قاليه راك عطيتيني الشيك بان ليا تنادم معاه الحال دار عندي
انا : انا ماشي شف.. باقي ماكملتهاش شهقت
 

 الجزء 10

بالبكا و طحت حليت عيني لقيت راسي فالبيت و ماكاين تا واحد فالدار مي فينما نبغي نعاود ليها كاتقوليا المراة خاصها تصبر لراجلها و دارها كانكمدها ف قلبي و نسكت
انا : عافاك اختي مريم خيرك مانساهش انا راه عندي لا ليصونس ف الاقتصاد غير شوفي الى لقيتي ليا
مريم : انا غانهدر مع يحيى و نجوبك ماقدرتش نرفض خفت تشك فشي حاجة فالليل جا يحيى من الخدمة
يحيى : علاش طلبتي من ختي ضبر ليك ف خدمة مالك اش خاصك ؟
انا : خاصني كلشي الحياة ماشي هي الماكلة و النعاس كي البهايم انا مليت و مرضت بغيت نخرج من الدار شويا نبدل الحيوط
هو : تحل ليك الفم البرهوشة
انا : نتى لي برهوش شارف و داير الهبال لي شاف الكرافاطا و الماكانا يقول هنا نبات
هو : صرفقني تا طارو النضاضر و شدني من شعري داك الفم غانهرسو ليك الا ماسديتيهش ا المسخة الجيعانة شفت فيه و عيني كلهم دموع يالاه هز يديه بغا يضربني تاني و انا نغمض عيني و تكمشت ردخ يديه مع الحيط و قال ليا نساي الخدمة و خرج
يحيى مشا لواحد البار و كلس كايشرب و يكمي
يحيى : حياتي بين ليلة و نهار تخربقات علاش ا سيدي ربي علاش انا عمرني ماكنت بحال هاكا عمرني ضربت شي بنت عمرني جرحت شي واحد مايمكنش ، حيت غدراتني وحدة نولي بحال الوحش خاصني نتحكم فراسي
يا ربي ايمتا تكمل هاد 6 شهر و يسالي هادشي مابقيتش قادر نصبر انا مابغبت تا بنت ف حياتي مابغيت مسؤولية حد بغيت نبقا بوحدي بوحدي
عالية ماقدراتش تنعس بقات جالسة فالصالون كاتخمم
عالية : عييت بالمشاكيل عييت بالصداع و بلبكا خاصني ندير حل ل راسي هادي راه ماشي عيشة
دخل يحيى غي شافتو و هي تقفز كاتنهج ولا كايبان ليها بحال شي وحش كاتخاف منو هو بلي شافها هاكاك ماحملش راسو جرها من ايديها بجهد
يحيى : مالك قفزتي ؟ شفتي شي غول ؟


  الجزء 11

عالية ماقدراتش تجاوب خصوصا بلي شمات فيه ريحت الشراب عاود غوت عليها بالجهد
يحيى : ماتعصبينيش راه كاندوي معاك
عالية حيدات نضاضرها و بدات كاتمسح فعينيها لي غارقين دموع بطرف كمامها بحال شي بنية صغيرة
عالية : عافاك طلقني راه ضريتيني فيدي
طلقها و دخل ل بيتو و تا هي دخلت لبيتها و هي كاتقفقف بالخلعة جا يحيى كايدق عليها
يحيى : واش نقدر ندخل
عالية شافت فيه ببراءة و حركات راسها ب اه
كلس حداها و شاف فيها و تبسم
يحيى : عالية انا كانطلب السماح على كلشي انا عارف راسي عمرني كنت معاك مزيان و عارفك كاتكرهيني و لكنبغيتك تعرفي بلي راه ماشي لخاطري الحياة ا عالية قاصحة قاصحة بزاف خاصك توقع اي حاجة و تكون مستعد ل اي حاجة باش ماتصدمش و ما تمرضش من بعد ، المهم تقدري ماتفهمينيش نتي اصلا باقا صغيرة على هاد الهدرة انا من ليوم غانتفادا اي صداع بيناتنا و لبلاصة لي فيها نتي نخويها انا ا للالة نتمنى تسمحي ليا تصبحي على خير
مشى يحيى و خلاني غارقة ماعرفت نضحك ولا نبكي انا ماكرهتش نكونو مزيانين اه نتى ماشي لخاطرك و انا كانشوف ف عينيك واحد الحزن عميق و كبير و هدرتك فاهماها يمكن انا صغيرة فالعمر و لكن ماتخافش عندي عقل كايفهم مزيان اه كون تقدر تفهمني و تحس بيا ا يحيى
دازت شهرين على زواجنا و مابقيناش دابزنا فعلا مابقاش كايعمر الدار كيف قالي عطاني واحد الكارط كيشي باش ايلى خصاتني شي حاجة ماكرهتش نقوليه راك نتى لي خاصني ماشي لفلوس
باش نتفادى الملل عمرت وقتي بالنترنت كانتعلم اللغة الاسبانية حيت كاتعجبني و كانتعلم نطيب نهار كلو و انا نرون كناكل و نخلي ل يحيى عارفاه عزيز عليه طيابي واخا عمرو قالها ليا و عمرنا تجمعنا على طبلة وحدة
عالية : شكون
مريم : عمي الغول حلي ا زين
عالية : عاش من شافك الخايبة فين غبرتي عليا

  الجزء 12

توحشتك و توحشت خالتي
مريم : حتى حنا ، اوا ا للالة راه جيت نقوليك نهار السبت عرس بنت خالتي زينب قوليها ل يحيى ها هي الدعوة باش تجيو
انا : الله يكمل عليها بالخير توحشت نيت شي عراسية نفوجو شويا
مريم و اللهيلا لمهم نخليك دابا اكدي على يحيى يجي
انا : كوني هانيا كلسي قالاك بسلامة والله ماتمشي ها هو خوك دابا يدخل من الخدمة و شوفيه نيت
مريم : ا صاحبتي ماشي موشكيل مرا خرا
انا : كلسي ونسينا رام ماشي برانيا
بقات معايا مريم انا كانصاوب الكاسكروط و مجمعين و نتبادلو فالوصفات تادخل يحيى
مشيت عندو قلت ليه على سلامتك و سلمت عليه ستغرب و انا نقوليه مريم هنا و فهم راسو سلم على ختو حطيت انا القهوة و الكيكة المسمن البغرير عمرت الطابلة نهار كامل و انا فالدار نحداك شويا ههه
مريم : اوا ا يحيى نتا لي صادقة ليك عندك شميشة فالدار
يحيى ضحك ضحكة مصطنعة : اه الله يعطيها الصحة
انا : بصحتكم
مشات مريم جمعت الطابلة و الماعن و جيت للصالون عند يحيى عطيتو الدعوة لي عطاتني مريم و قلت ليه بلي بنت خالتو عارضانا
يحيى : سيري نتي و مريم و الوليدة انا ماكانمشيش للعراس
انا : انا مانقدرش نمشي اول مرة عند الناس ماكانعرفهمش بلا راجلي و زايدون مريم اكدات عليك باش تمشي
يحيى : راجلك ؟ ضحك باستهزاء . واخا تانفكر
انا : اه راجلي و ضحكت ضحكت استهزاء و طلعت و هبطت فيه
مشيت كنجري لبيتي لايدير فيا شي كاريتة
يحيى : شي نهار غانقتلك ولا نهرس لك داك الفم
بديت كانفرنس عرفت السيد تقرس
يحيى : وجدي راسك 9 غانمشيو
انا : فين ؟
يحيى : للعرس بنت خالتي
انا : المعروض فنهارو يبقى ف دارو انا ماغادا فين علمني قبل يالاه نوجد
يحيى : بدينا تاني فالتبرهيش ديالك بلا مانتعصب عليك 9 نصوني عليك هبطي ان غاندوز عند الواليدة و نلبس تما و نجي نديك

 الجزء 13
تغديت و جمعت الدار و مشيت للصالون صاوبت شعري بوكلي و جيت درت الماكياج فداري مابغيتش نجي مزوقة من الصالون صاوبت عينيا درت ليهم اي لاينر و ماسكارا هوما اصلا كبار و مشفرين و باينين بلا والو و درت واحد العكر بوردو جا ليا مع لون بشرتي كانبان بحال شي برازيلية شعري درت ليه مشيطة ديال الغجريات و لبست تكشيطة كحلة و من الفوق جيهت الصدر و الظهر كلها شبكة و التخت عريضة بحال الكسوة و صباط عالي كحل و صاك شانيل كحل هادشي كلو جاني فالدفوع ههه اما انا مانكساب والو درت اكسسوارات خفاف و صبغت ضفاري بالحمر كانبان بحال شي نجمة على البساط الاحمر مادرتش نظاظري غايخسرو ليا المنظر هزيت التيليفون كانلقا 5 مكالمات ديال يحيى ناري قفرتها لحت الفورير على كتافي و رشيت ريحتي المفضلة "سو اليكسير" و هبطت كانسمع غوات راجلي الضريف من الدروج ههه الدورة لي دار عندي صقل و الهدرة هربات ليه بحالا صرط لسانو
انا : سمح ليا ماسمعتش تيليفون راه يالا..
قاطعني يحيى : لا ماشي موشكيل ياللاه نمشيو ركبت حداه و تحركنا و انا كانحس ب الشوفات دياولو غاياكلوني حتى انا كانخطف شوفا مرة مرة كان لابس كوستيم كحل و قاميجة و كرافاطا كحلين و شعرو لي كايهبلني مرجعو للور و داير واحد البارفان جداب
يحيى : يالله نزلي راه وصلنا
انا : واخا
نزلنا و شديت فيه بحال راجل و مراتو كانو يديه باردين عكسي انا لي يدي شاعلة فيهم العافية وركت لي على يديه بحال شي طفلة عاد كاتعلم تمشي و خايفة طيح كانبانو زوينين مواتين دخلنا للقاعة و العينين كاملين علينا و حنا داخلين مشادين لي شافنا يقول هادا هو الكوبل الميتالي جلسنا حدا عدوزتي و مريم و شي عناصر من عائلة يحيى
تحدر ليا يحيى حدا ودني : عنداك يقولك راسك تنوضي تشطحي تشوهيني مع العائلة
انا ماجاوبتوش بتاسمت لمريم

 الجزء 14 

و حدرت راسي العرس زوين و لكن شنو الفائدة الى مانضتش نشطح
جاني الملل يحيى معرت فين ناض و انا نعتادر ل مريم و عدوزتي و خرجت للجردة و وقفت كانتأمل فالنجوم واحد شويا وقف قدامي واحد الباسل بغا يتعرف عليا قالك
انا : سير بدل الساعة بالخرى راني مرت الراجل
الباسل شد ليا ف ايدي مع الشدة مع قشعنا يحيى جا كايجري فحال شي تور هايج ضرب داك خينا طاح للارض و جرني انا جيهت الطموبيل يالاه بغيت نهدر و هو يصرفقني شعري تحل و غطا ليا وجهي بديت كانترعد بالعصاب و كانهدر و انا مخنوقة
انا : مادرت والو هو لي جرني لعندو انا مادرت والو
رفعني بقوة من الارض وشدني من عنقي
يحيى : باغا تشوهيني ؟ هدري باغا العائلة تشوف فيا شوفا ناقصة كلكم بحال بحال كلكم غدارات و باغين الفلوس صافي و لكن انا من اليوم غانعيشك المرار
فكيت راسي منو و بقي كانغوت
انا : نتا مريييييض بعد مني انا غانقتلك و نقتل راسي و نتهنا اش دنبي ا سيدي رابي اش درت انا باش نستاهل هادشي بقيت كانبكي بهيستيرية و هو حدايا بقا كايشوف فيا تا ساليت و هزني خشاني فالطوموبيل و انا كانتركل و كانغوت علي يبعد مني بلوكا البيبان و ديمارا الطوموبيل وقف حدا البحر و بدا كايعاود
يحيى : اول مرة عرفت ابتسام كانت هادي 10 دابا . كانت مسؤولة حسابات عندنا فالشركة بغيتها للحلال ماشي للتفلية تعلقت بيها بزاف ولات هي كلشي عندي بغيتها ل درجة كبييرة تعماو لي العينين كانهدر بيها نفيق بيها و نعس بيها عمرني تخيلت راسي غانتصدم فيها
حتال النهار لي غانحل مكتب المدير على غفلة و نلقاها كالسة ليه فحجرو و كايتباوسو تمنيت الارض تشق و تبلعني دارت راسها ماكاتعرفنيش انا كنت غير طريق باش دوز للرئيس ديالي حيت هو ملعق عليا تأزمت بزاف مورا داكشي لي طرا من تم و انا ف الدانمارك حتال النهار لي
 

 الجزء 15

الواليدة حلفات تاتزوجني و قالت ليا السخط ها الرضا و لكن انا ماقدرتش نساها واخا غدراتني و واخا نساها العيالات كلهم بحالها كلهم غدارات
انا صوتي مقطع بالبكا : ديي ني للدار عا فاك
يحيى شد راسي بين يديه و باسني ف جبهتي زدت انا كانبكي كتر حط راسي على صدرو و بقى كايسكتني و يطلب ليا السماحة حسيت بالحنان و الامان و شفت الجانب الاخر ديالو لي كان مخبي عرفت انه حنين و طيب و لكن هادشي ماكايبررش تصرفاتو انا عييت بزاف مابقيتش قادرة نزيد نتحمل كتر مشينا للدار دخلنا حيدت حوايجي مسحت وجهي و وقفت حدا الشرجم كانطل و كانشوف الشتا هابطة خيط من السما و كانشم ريحت التراب مخلط بالشتا لي كادخل الفرحة على القلب تنهدت و بقيت ساهية
يحيى : واش عمرني قلت ليك شعرك زوين و طويل
انا : لا ماقلتيهاش و لكن قلتي حوايج خرين و ضحكت باستهزاء
يحيى : عالية سمحي ليا سمحي ليا بزاف
انا : ماشي موشكيل مابقا قد مافات 3 شهر دغيا دوز و يسالي هاد الكابوس دورني عندو و حط ايديه على فمي و بقى كايشوف ليا ففمي هبط ايديه و هو يقرب لعندي حط ايديه على راسي من اللور و يد على ظهري و طبع بوسة طويلة ففمي
شاف فيا بتاسم و قالي تصبحي على خير
عالية : واش انا كانحلم لا مايمكنش زعماا يكون كايبغيني ؟ لا هو كايبغي بتسام افففف غنتسطا حطيت ايدي على فمي كانتحسس بوستو و بديت كانضحك نعست نعسة حلوة فقت على صوتو كايهدر فالتيليفون... 

ليوم قررت نشاركم قصتي من بعد سنين ديال المعانات سميتي امال دابا عندي سبعة وعشرين عام....،تزاديت او كبرت ف سلا ف حي شعبي عندي جوج خوتي كبار مني اوختي صغر مني دوزت اجمل ايام الطفولة ديالي فهاد لمدينة تا درت خمستاش عام..... قرر باب و ماما يبيع الدار او نرحلو لمدينة اوخرا حيت الحوما للي كنا ساكنين فيها حوما شعبية او فيها التبركيك بزاف + الحديا او التقواس كانت بابا عندو طوموبيل كيخطف بيها البلايص و الكورسات ربي ميسر ليه وكيدخل لفلوس مزيان ماكيحرمنا من تاحاجا غي حنا كنا محديين بزاف من شي جيران لدرجة بابا دار خمسه الكسايد ف ظرف عاماين و الا خيرة للي شاف طوموبيل يكول بلي مولاها مالقاو مايجمعو فيه لله يحفظ وماطراليه والو بفضل الله حيت بابا كان انسان طيب وسخي مع اي واحد الصدقات وقفو معاه داكشي لاش قرر يبيع ويشري لينا ف بلاصة نقيية صافي بعنا الدار ومشينا من بعد ماشرا الدار ديك الساعة كنت كنقرا فتامنه اعدادي وكان اخر السنة الراسية ونجحت فاش رحلنا كنت كنخرج انا و خوتي كنتعرفو على الحومة الجديدة تال واحد النهار كنت خارجة انا و ختي نتسخرو مين كنا قاطعين وقفت لينا طوموبيل باش ندوزو هزيت عيني من باب لفضول جات عيني ف اجمل عينين شافتهم عيني خضرين اوكبار تبسم.مين شفت فيه و حدرت راسي وكملت طريقي مادايراش فبالي بلي اجمل عينين مولاهم غايكون سبابي ف عذابي....... وهذاك للي كيقولولو حب من اول نظرة من بعد وليت فينما نخرج كنتلاقا بيه وحيت ماعارفاش سميتو كنت كنعيط لصاحبتي ف بورطابل كنقوليها مول متين وخمسين وبعد المرات....... كنكون كنسيق كيدوز من قدامي ، تعرفت على بنات الحوما وليت كنكلس معاهم مين كيبرد الحال واحد النهار كنا مجمعين ف درب مول ل متين وخمسين داز من خدانا..... بقا كيشوف فيا وشفت فيه تامشا نقزت وحدا من دوك لبنات و هي تقول هاهوا الريفي


الجزء 2


قنا على امال حيت هو حاس براسو و لبنت للي جات جديدة وعجباتو خاصو يتصاحب معاها هو اللول صدموني بهظرتهم حيت بديت كنفكر فيه والاكين قررت مانطيحش ليه فالشبكا خصوصا زمين عاودولي عليه بلي زهواني كيتصاحب مع بنت سيمانا ويقلب عليها سوا قدا غارادو سوا لا واحد نهار خرجت انا وختي وبنات دربنا نتساراو وقفنا نشريو لاكلاس شريت انا للولى وسبقتهوم قطعت الشاريع هو يوقف علي وكانت معاه شي دراري فطوموبيل وكولهم كانو سكرانين شفت فيه غب هو للي كانشوف فدوك العينين الزوينين مقلوبين وكيضحك خفت وتميت راجع اللور عاد زاد فحالو قالولي لبنات هو ديما على داك الحال تخلعت مشيت للدار وبقيت كنفكر فديك الحالة للي شفتو بيها ماحملتوش والاكين كيغاندير نخلي قلبي مايتعلقش بيه ،مابقيتش كانخرج واخا كانقنط جا الدخول المدرسي تسجلت و بديت القرايا وكانتمنا مانتلاقاش بيه حيت مين كانشوفو كانولي حمرا وكانبدا نتفتف فالهدرا تعرفت على بنات واحد كليكا ديال البنات وليت مصاحبا معاهم وقت ستيراحا كنخرو البرا نشريو الحلوى و رايبي واحد نهار خرجنا فالعشية مين تمينا راجعين تلاقينا بولاد قيسمنا حدا باب الكوليج دورت وجهي لجيهت الشاريع هو يبانلي على رجليه ديما ف الطوموبيل اول مرة نشوف فورمتو و طولتو ومشيتو وحوايجو الي دابا مانسيتهومش واحد شوي كيبان لي جاي جيهتي تصدمت حتى بان لي دخل وسط الكليكا هو يجبدها بتصرفيقا لواحد البنت كانت معانا فلكليكا هو يجرها قاليها سيري للدار تانتفاهم انا وياك وشد لولد للي كان حداها كاليه لاش واقف معاها وجاوبو داك دري قالو غي بنت قيسمي مابيني وبينها والو ولف عليه قاليه اخر مرة توقف مع ختي ولا تلوم غيراسك عاد شفتو مزيان و عىف شاباه للي بينو و بين ختو الصغيرة ماعجبتنين الطريقة الهمجيية اللي تعامل بيها وهو حلال عليه يتفلا على بنات الناس حيت بوكوس و عندو طوموبيل ولاباس عليهم ولاكين قلبي ماطاوعنيش عاد ماكيزيد يتعلق بيم و كانفكر فيه كثر من اللول وصبرت وخبيت للي فقلبي بش مانبيش لشي حد ظوزت داك لعام ونجحت طلعت لليسي درت تاخاصوص رياضة وحيت غي هو للي كان معمر قلبي و تفكيري كانو بزاف كيبغيو يهدرو معايا و ماكنتش كانبغي ناعرفتش كن حاسا بلي شي نهار غانهدر معاه ونبدلو للا فضل بديت القرايا من بعد ماسافرت فالصيف باش مانتلاقاش بيه وليت نشوفو صباح و عشيا حيت ماملش بغا يطيحني فالشبكة وطحت نيت والاكين غي فحبو وحلفت مانطيح ليه ونتنازل ليه بسوهولا و هوا بدا معايا حرب الاعصاب يدوز من حدايا يبقا يشوف فيا يتبسم ويمشي فحالو كنت كانتعذب كانشوفو كيديرلي هاكا وخلاص مين كانشوفو واقف مع شي وحدة


الجزء 3

نجحت ف سانكيام وطلعت للسيزيام من بعد ماكاندوز الصيف بعيد على المدينة جديدة باش النسا الريفي كيجي عندي شي حد يهدر معايا ماكانبغيش حيت هو ملك قلبي و عقلي والروح ديالي كانعس بيه و نفيق بيه و مين سالات العطلة قبد الدخول المدرسي كنت خارجة نتسهر وانا نتلاقا بواحد البنت كنت كانعرفها فسلا تاهوما جاو سكنو هنا هي كانت لباسا حيت ختها فالخاريج كانت كاتسيفط ليها لحوايج واخا معيقين ماكانتش كاتسوق وراتني دارهم وريتها دارنا ودرت معاها نجي عندها غدا اوا لاغدلين عشية مشيت عندها كلسنا فدارهم تادلم احال قاتلي يالاه نوصلك غادي نتلاقا بواحد لولد بوكوس قاتلي يالاه تعرفت عليه سيمانا بقيت كانضحك قليها دغيا يالعفريتة مازال ماسخنتي بلاستك قالي هو للي لسقني وعجبني قالي يالا نمشيو نسيفط ليه ميساج يجي نوسلوك بجوج وافقت و ياريت ماوافقت صدما كان بالنسبة ليا مين شفتو هو جاي عرفتو واخا كان الظلام وصل عندنا سلم عليها من وجها ومين مد يدو ليا وهز راسو فييا بقا مصدوم قاتلو هادي كانت صاحبتي فسلا هو بقا ساكت وانا تمنيت نموت انا و هو و بيناتنا بنت صافي طريق كولها وانا ساكتا تاهو ساكت كانسمع غي صوتها هي والاكين ماعرفتش شنو كاتقول حيت مرفوعة وصلوني قلتليهم يالاه بسلاما مشيت دخلت لبيتي قلت لماما فيا نعاس مايبرزطني تاواحد وتخشيت تحت ليزار وكلست كانبكي تاداتني نعاس بقات حبست راسي فالدار تابدينا لقرايا بديت كانتلاقا بديك البنت وكانتعامل معاها عادي تالواحد المرة شفتو كيهدر مع وحدة وانا نزعم وسولتها قتليها مازالا مع الريفي قاتلي لا قلبت عليه مابغيتش نحكر خفت تعيق بييا داك العام.عاودت قرات معايا ختو ولينا صحابات حيت ف التاسعة كنا كنهدرو مع بعضياتنا مرا مرا دابا ولينا كانتلاقاو خارج لليسي ماكانزعمش نمشي عندها لدارهم كانخاف

الجزء 4
نتلاقا بيه ولا كيشوفني معاها بزاف وكيجي هو وصحابو حدا للييسي قدامه كانت البيعة و الهضورة مين ماكانكونوش قاريين كانكلسو فيه واحد المرا كان كالس هو و جوج صحابو وانا كنت كالسا مع شي بنات بعادين عليهم شوي تمت واحد البنت جايا العندنا مين كلست هي تقول عرفتو الريفي على من قاني قالوليها على من قاتليهم على امال حيت مين كانت دايزا من حداهم سمعتعم شنو كيقولو بيناتهم سولو صاحبو قالو شنو سميتها قاليهم امال واحد فيهم قالو شنو لابسا قالو فيستا كحلا وطالقا شعرها طويل قالو باينة فيها مايدار بقا كيدحك وقاليهم عندها فصالا مطرطقا مين قاتلي ديك لهدرا حسيت بنفسي ضاقت حيت واخا ماعطيتوش فورصا منين يدوز لييا مازال حاطني فبالو يدوزني حتى انا خليتهم ومشيت للدار سديت علي وكلست كانبكي حيت صافي فات الفوت مابقيتش كانتحكم فقلبي ونبزز عليه مايبغيهش وحيت هو مايستاهلش نعطيه قلبي صبرت وقاسيت وانا كنشوفو ديما مع البنات وحاولت نشغل راسي بالقرايا واخا صعيب بديت نتعاود مع جوج بنات وكريت ليهم بلي كانبغيه حاولو يساعدوني ونصحوني باش ننساه حيت هو ريفي يدوز فالبنات تايعيا فالاخير يمشي يتزوج ريفية من بلادو ولاباس عليها بحالهم موشكيلتي تاحد فهاد الدنيا ماكان كيعمرلي عيني ولا نقد نهدر مع شي حد كنت كانتسناه يحس بي هو لاشفتو بحال ملكت الدنيا لاشاف فيا بدوك العينين عاد كاترجع فييا الروح كنت كانحس بيه من البعيد كانقول البنات هاهو جاي والله قريب حتى كيبان يبقاو يضحكو عليا كيقولولي عندي الحاسة السادسة وانا كنت كانحس بيه غي هو بوحدو تسدت لي الشاهية و ضعافييت مابقيتش كانعس من كترت ماكانفكرفيه تراجعت فقرايتي واخا هكاك نجحت ف اولى باك داك الصيف ماسافرناش حيت جدا مسكينا ماتت الله يرحمها من اطيب خاق الله اتر فيا موتها فنفس لوقت واحد

لجزء 5
جارنا فالخاريج كيدي الناس ل اسبانيا بكونترا داك لعام جاب بزاف الكونترات حيت خويا لكبير مامرسمش فشي خدما قرر بابا يبيع الدار باش يسيفطو كونترا ب سته د لمليون ماكانش عدنا منين نجيبوها ولا نتسلفوها هاكا بابا غامر على وديت يعتق خويا بعنا الدار وعطينا لفلوس كيما عطاو الناس وحيت رتافع شوية العقار شرا بابا ارض قريبا لدار الريفي ب عشرين مليون ورهنا حدا دارنا اللي بعنا ب خمسه مليون وللفلوس الي شاطت شرا منها طوموبيل حيت الي كانت عندنا فسلا كان باعها ديك الوقت والباقي سرفناه مع المودة ساعا داك لعام من زهرنا اسبانيا وسلتها الازمة وهاداك اللي عطيناه لفلوس هرب لبلاد اوخرا بقا كولشي معلق وانا كنت مراهقة مرضت حيت ماكنتش باغا دارنا تباع تاحد ماكيغامر بدارو وليت معصبا وكانقول لبابا نتا سبابنا بغيتي تعتق خويا صدقتي غرقتينا كاملين الحمد لله بردنا ديك البقعة ولات تشدني لاكريز مين كانتعصب بالخصوص جاتنا الازمة فسن اامراهقة ديالي وليت حساسة بزاف وكنبكي ديما بسباب وبلا سباب دوزت الصيف كحل بدا الدخول المدرسي وبدينا نقراو ورجعت للضغط النفسي معاه ولا كيدير معايا تاحراميات حيت حاس بلي كانحس من جيهتو بشيحاجا حيت تزنيكت وجحي كاتفرشني كانتلف فالهدرا مين كانشوفو ولا كيدوز من حدايا وللي زاد اكدلو احساسو كنت واحد المرا ف ساحة الرياضة ماقديتش نلعب وكلست جات ختو عطاتني بورطابلها شنو قالي راسي جبدي نمرتو من الريبرطوار فعلان داكشي اللي درت دغيا حفضتها فالليل دبرت على نمرا جديدة و صونيت ليه غي باش نسمع صوتو وليت كل ليلا غي نبقا نسمعو كيقول الو الو واهدري حيت عارف بنت اللي غادير هاكا وهو باقي كما هو تشوفيه تقولي ماكيدير والو زوين بزاف ولا غي حيت مزعوطا فيه كيبانلي اجمل واحد وهو كيكمي و كيتحشش ويشرب عيطلو واحد نهار وحيت ماعارفش صوتي قررت نتكلم الو الو لابس الحمد الله شكون نتي ضحكت و قتلو وحدا زوينا هه قالي على ديك الضحيكا عجبتيني باينا غاتكوني نتي اللي كاتصونيلي كل ليلة وتقطعي ضحكت قالي كاتبغيني قتلو لا غيكاتعجبني وبغيت نصحك قالي والاكين بشرط نعرفك شكون نتي ومنين جبتي نمرتي قتلو لا مانقدش قتلو بغيت نقولك شي هدرا نتمنا تقبلها قال اوكي قولتليه هادوك الدراري اللي كاتمشي معاهم غادي يخرو عليك را الدنيا مادايماش لموت ماكاتعرف لا صغير والا كبير والا زوين والا خايب قالي الله يهدينا بزز علي باش نقوليه شكون انا وقطعت فصباح مين ساليت القراية و خرجت مع تناش بان لي من بعيد ودرت راسي ماشفتوش

الجزء 6
حتى بانلي هز بورطابلو وخسيت ب بورطابلي كيفيبري ف جيب سروالي ماحركتش يدي ودورت وجهي جيهتو نشوف فيه لقيتو كيشوف فيا وكيضحك وخرج لسانو و دار عند صاحبو كيضحكو كيبحال قالي انا عقت بيك معرفتش كيفاش عاق بييا وانا ماعطيتش هاد نمرا لتا حد تا صحاباتي للي عارفيني كانبغيه حدرت راس ومشيت مصدومة من داك نهار زاد الاصرار ديالو باش يوصل ليا ب اي طريقا ولا كيدوز من قدام دارنا كل شوية ويطلق الموسيقى بجهد وكيجي فنصاصات الليل يوقف طوموبيلتو حدى سرجم بيتي بدى يلعب ب اعصابي نوقف مع البنات فحومتي يدوز من حدايا يمشي ويجي يمشي ويجي معاه الدراري يبقاو يضحكو وانا كنقول فراسي يعلم الله شنو كيقوليهم دوزت داك العام ف الضغط كان كيعس علي حدى لليسي مع صحابو وندوز من حداهم كلهم كيبقاو يشوفوفي واحد المرة كنت كالسة حدى لليسي خرجت مع لحداش وقالتلي صاحبتي كلسي نراجعو مع جوج ولاد قيسمنا وهوما ولاد حومتي مين كنا كنراجعو جاو شي صحابو كلسو حدانا شوي وانا نسمع واحد كيعيطليه يالاه كان فايق انا تلفت وليت كنتفتف فالكتابة عاق بييا ولد قيسمي قلتليهوم يالاه فحالنا ولد قيسمي قالي يالاه نوصلك لدار بالموطور مع بغيت غي نمشي مين ركبت موراه هزيت عيني لقيتو كيخنزر فييا وتم جاي لجيهتي وقاسني بكتفو فظهري تصدمت من ردت الفعل ديالو حيت ربع سنين كيشوفني عمر شافني مع ولد هاداك نهار تلفت وغي كيقرا معايا داك لود مابيني وبينو والو دوزت الامتحانات ومانجحتش كنت متوقعاها ديما مرفوعا بالي غي معاه فالصيف كنت كالسا مع بنات درب قالتلينا وحدة راشافت الريفي حط بنت حدا دارنا حاولت مانبينش الغيرة ديالي سمحت فيهوم مين تميت غادا لدارنا وانا نشوف بنت ماقفا و هوا جاي بالطوموبيل الجديدة شراها هاداك الصيف وقف ركبات وقصد يدوز من حدايا ومدور وجهو واجا كان ممكن يدوز من طريق اوخرى دخلت لبيتي عيني عامرين بالدموع ومخنوقا هزيت دفتر الذكريات الي كيهدر غير عليه جاني الالهام بسباب الحب اللي عطيتو ليه كنت كنكتب عليه اجمل شعر وكنت معتابراه الملاك ديالي ماكنتش كنشوفيه تاعيب

الجزء 7
شديتو ودرتو فسطل صباغا خاوي وشعلت فيه العافية وبقيت كالسا فالسطح تاتحرق الكتاب كولو وعيني تسدو بالبكا سافرت من بعد داكشي قولو هربت لعند بنت خالي باش نبكي فراحتي كلست شهر رجعت غي على ود لقرايا العام التاني فالباك درت الحجاب وليت حدودية ومنعازلة بقات عندي غي صاحبتي وحدا اللي هي ختو وماعمري قلت ليها باللي كانبغي خوها دخل البرد واحد النهار كانت بنت خالي عندي وكان خاصني واحد القصة نلخصها وطلبتها من صاحبتي واخا كان مشا لحال مشيت عندها والديت بنت خالي مين كنا واقفين قدام الباب سمعنا شي غوات فالدورا وانا كنميز صوتو وسط مليون صوت سمعتو كيتغاوت وانا نقول لصاحبتي را خوك هادا مشينا طلينا لقينا شي صحابو كيدابزو وهو مخشي كيفك وصدق مشاد معاهد مشينا كانجريو وانا ماحسيتش براس تادخلت كانفك وكانجروه انا وخواتاتو فركتنا جقلا قاتلي صاحبتي تسناي نقول لخويا يوصلكم قلتليها لا لا غانمشيو بوحدنا مشيت انا وبنت خالي للدار غدا فال صباح مشيت نقرا كلست انا وصاحبتي قالتلي باللي خوها لبارح مين فكيناه بقا معصب و مشا سكر وجا كيحيح ناس عيطو البوليس وجاو بغاو يديوه ودفع بوليسي طاح وشدوه دوزوه المحكاما ماحسيتش بدموعي تابداو ينزلو ختو تصدمت فييا ماحكيتش ليها ديك الساعة تال غدا كريت ليها بكولشي فهماتني ولات اخبارو كاتجيبها لييا باه دور لفلوس ودوز غي شهر وخرج حاولت نساه واخا صعيب والاكين العكس كانزيد كانتوحشو ونبغيه واخا كانسمع طوموبيلتو و الموسيقى ماكانطلش من سرجم كانت واحد بنت جيرانا كانترينيو ف لاصال كانت مصاحبا مع واحد الدري ضريف فينما كانو كيتخاصمو كنت كنصالحهم وليت انا وياه اصدقاء كانوقف معاه عادي فالدرب كان كيدوز بعد المرات كيلقاني واقفا معاه بدا يتقرب منو واحد نهار داك الولد كان كيتناقش مع واحد الشمكار هو يوقف عليه بالطوموبيلا قاليه خلي علك الزبل طلع نوصلك فين بغيتي تعارف هو وياه وتبادلو النمرا تلاقيت انا وداك لولد من بعد يوماين وعاودلي داكشي اللي طرا فهمت بللي ماشي صودفا والاكين سكت تانشوف شنو غايطرا من بعد كنا انا وبن جيرانا كالسين حدا الدار هو يعيطليها قاليها غاندوز من حداك نجيبلك كادو وشوي بان لي وقفت طوموبيلتو ونزل منها داك الدري جايب كادو لبنت جيران ورجع عندو مشاو فصباح كنت غادا الليسي تلاقيت بداك الصديق سولني قاللي كاتعرفي الريفي قلتليه خو صاحبتي قاللي كان غالط ميصحابليه مصاحب معاك نتي تاشافو عطا الكادو لبنت جيرانا وسولني واش مصاحب معاك نتي ولا هي وقاليه مصاحب مع البنت اللي مديت ليها الكادو واللي معاها صديقتنا ديماكاتصالحنا ضريفا قالو اه وي وي را صاحبت خواتاتي داخلا سوق راسها

الجزء 8
وفديك الليلة عيطليه قالو نتلاقاو نتقهواو واخا مختالفين كل اختلاف ماعارفش بلي ميكين غي دارو طريق باش يدوز لييا جا هزو بالطوموبيل وكلسو يدورو شي نص ساعا هو يقوليه بغيتك فواحد الحاجة قالومرحبا هو يقوليه بغيت نمرت امال بقا داك الدري كيشوف فيه وعرف السباب اللي هلاه يتقرب منو هو يجاوبو بلا قالو مايمكنش نعطيك نمرتها لا مسولتهاش حيت هي ماكاتصاحبش قالو غيحاول معاها غدا عيطلي الدري قالي هاشنو هنا غاتبدا موعاناتي الحقيقية قدر الله وما شاء فعل كلست من القرايا ومابقاتش عندي الرغبة ندير شيحاجا فداك الصيف دارت ختو اللي كبر منو العرس وعرضو علييا مين حضرت وهوا حاضيني العرس كولو وهو ماهزش عينو علييا وانا ماحاساش بالعالم العروسة ماديتهاس فيها و الماكلا مابغاتش تهبط لي صاحبتي عاقت بي مسكينة مابعدتش علييا خافت علييا نسخف حيت مين كانكونو كانشطحو كيقربلي كنبعد القلب ديالي كيبغي يسكت من كترت ماكيضرب مين ناضو العروس و العريس درناهم لوسط ودرنا سكا كاندورو عليهم شي شاد فشي واحد لوقت حيدو شي بنات هو يبانلي دخل قدامي ماقديتش نشد فيه تاجا ولد هخالتو بيني وبينو مين وقفنا شفتو هدر فودن واخد ولد عايلتو وداك لود دار شاف فيا دوزت داك العرس بالكشايف مين سالا بغيت نمشي حلفو لاخلاوني متيقتش راسي بايتا فدارهم وهو قريب ليا غي لحيوطا اللي بيني و بينو ولات مو ديما كتسول فييا ودخلت ليها لقلبها ولاو ف اي موناسابا كانحدر كانحاول مانتلاقاش بيه فدارهم حيت الخلعة كاتبان فييا وهو كان كيقتلني غي بالتحنزيز مالقا تاطريقة منين يدوز لييا خلاص مين تقربت من دارهم وخواتاتو ولينا نخرحو مجموعين ديما نفس الحلم اللي كان كيجيني كل نهار كنود مفزوعة وندعيليه ياربي تحفضو وليت فنما نخرج نلقاه واقف مع صحابو يبقاو يشوفو فييا تاكاتلف لييا المشية وليت كانقرا درت مدرسة اللغات باش نشغل وقتي واحد النهار عيطتلي صاحبتي قاتلي بلي جداتعا ماتت لبست حوايجي ومشيت لدارهم يالاه دخلت مع الباب لقيتو هو الول زيرت على راسي وهدرتو قلتلو البراكة فراسك ماخليتوش يرد عليا وقلتلو واش لبنات لفوق تاهو تلف فالهدرا كلس يقولي اه اه لفوق لفوق


الجزء 9
طلعت وبالي معاه كنفكر كيفاش تاهو تلف فالهدرا زعما يكون كيحس بشي حاجا من جيهتي موحالش عزيتهم وبزو علي نبات على ود العشا ديك الليلة قلبي كيضرب كانقول فراسي عنداك غي سمعوقلبي فصباح فطرنا ومشينا المقبارا وهو معانا رجعنا مشيت لدارنا دازت يوماين كنت خارجا نتسخر بانلي غادي جيهت دارنا مين رجعت عزيت عيني فالحيط هي تبانلي مكتوبا كنبغيك امال وقلب كبير مسيت لدارنا مصدوما ماعرفتش باش تبليت ماقديتش نصدق من تما غبر كنخرج بغيت غينشوفو نعطيه الضو الخضر باش يجي لعندي دازت عشرين يوم داك نهار مايتنسش لي من الماضي الاليم خرجت فالعشية تساريت مين كنت راجعا بانلي كالس حد دارهم شفت فيه وكانت اخر شوفا اخر مرة نشوف عويناتي الخضرين ماسخيتش نمشي وانا كنشوف ديك التبسيما وداك الوجه والعينين اللي ملكوني مشيت الدار وقلبي مقبوط ونفسي مزيرا دخلت البيت سديت عليا ودرت الراديو وصلت تناش ونص هي تبدا اغنية الوليد الوليد انا جيت انا جيت انا جبت جونيمار وزاد قلبي تزير طفيت راديو ونعست مع تناش ونص دربتني الفيقا وقلبي كيدرب قريت القران ودعيتلو بالسلاما ورجعت نعست فالصباح فقت بكري كلست كانوجد الفطور جا خويا لكبير دخل قالي را خو صاحبتك داى كسيدا ومات ماعقتش براسي تالقيت راسي غادا كانجري فالزنقت شعري عريان لابسا غي بيجاما وكانقول ياربي ياربي نكون غب كانحلم كيما ديما كنحلمو داير كسيدا وميت ماسحابليش الحلم غادي يتحقق وصلت قدام الدار كيبانولي الناس و الكراسي و القاعة كنقول ياربي يكون عرسو وماتكونش كنازتو كنت ديما كنصبر راسي يتزوج شي وحدة و ماصبرتش راسي على الموت ديالو مين طلعت للدار تلاحت علييا ختو كاتقوللي ماعرفتش واش نصبر راسي ولا نصبرك كنقوليها لالالالالا غي كدوب دابا يجي هو موالف يبات برا عاد البارح شفتو مافيه والو بقيت كنشوف فمو حاسا بيها والاكين مامصدقاش كنت مصدوم دموع مابغاوش يهبطو ماخسيتش براسي تالقيتهم كيديرولي الريحة من بعد مافخت الصدما حيت وقت الكنازا كنت مرفوعا ماحسيتش بالعالم كنت كنقول دابا يدخل مع الباب غي كانحلم لدرجة كنقرس يدي نود نطل من السرجم يبانلي جاي كولشي عاق بيا اللي كنت خايفا منو يعرف مشا الحظة اللي ماتنساتشلي مين جابوه فالصندوق مو تلاحت عليه ماخلاواش تقيسو حيت مافيه مايتشاف نهار غانمشيو القبر فتلت يام كان عيد الحب 2012، كيبحال دفنت قلبي معاه مابقات تحلالي تاحاجا فهاد الدنيا ايماني بالله وبقدرو هما اللي صبروني


لجزء 10 والاخيييييييير
كنت كانظل ندعيليه بالرحمة خصوصا مين عرفت بللي مات سكران ضرني خاطري وكنت نبهتو الدنيا مادايماش ماكاتعرف لاكبير لا صغير داك الليلة كان كيودعني بديك التبسيما لوقت اللي ضرباتني الفيقا مع الوحده ونص وتخلعت هو نفس الوقت الي مات فيها حيت الحب ديالو وصل تالنخاع كنت كنحس بيه مقلق فرحان فداك لوقت جاو عندو صحابو والو تمشي معانا مشا معاهم لبواط شربو هو شرب غي شوي مابقاش بغا يكلس مين كان خارج واحد كيعرفو قالو وصلنا معك كانت معاه صاحبتو وصاحبتها ركبو بربعة فواحد الفيراج بغا يدوبل جاي كاميو بغا يرجع الطريق لقاه واحد مابغاش يعطيه البلاصا فين يدخل وتصاطح مع الكامبو كولهم ماتو كنت كندعيليه ديما بالرحمة تالدابا مازال كنترحم عليه واخا سمع بلي تا اللي كيموت شارب كيدخل موباشارا للنار ماكيشوفش فيه ربي وكنت كنقول ربي غفور رحيم واخا غيتخفف عليه عذاب القبر من موراها ب عام تزوجت الحمدلله ربي عطانا نعمة النسيان وقلبي دق للمرة التاني ولو كان مازال حي ماكندنش بلي كنت غانتزج او قلبي يبغي شي حد هاكا ربي مادارش الساباب بش تكون بيني وبينو شيحاجا حيت ربي مكتب عليه يموت كيما كتب عليا نتزوج براجلي حبيبي ونولد وليد ونسميه على سميتو ششششت تبقا بيني وبينكم هادي هي قصتي النهاية

‫‏الجزء1

نور الهدى بنت عمرها 18 سنة بنت عادية لباسها عادي و ماعمرها دارت الماكياج كانت بنت بسيطة و محترمة كاضحك مع كلشي و شعبية ماعمرها حسات براسها و لا
تكبرات على شي واحد المهم هاد البنت كانت كتقرى فالجامعة و كانت كاتصاحب مع الدراري و لكن قلبها كان معلق بشخص واحد من عائلتها و كانت كاتشوفو غي مرة فالعام كيتلاقاو فالصيف مني كاتمشي هي ضيفة عند عائلتو و هو كايجي من خدمتو حيت خدام فمدينة اخرى الشاب سميتو فؤاد و نور الهدى كانت كتبغيه بزاف مني كانت صغيرة و مني كانو كيتلاقاو كيهضرو بزاف و كانو قراب لبعضياتهوم بزاف و لكن نور الهدى ماعمرها قدرات تطلب منو النمرة دازو اعوام و جا واحد الصيف و نور الهدى مامشاتش لتما و فؤاد حس بنقص كبير و هو كانت عزيزة عليه واحد النهار صونا على ماماها و هي هزات نمرتو و صونات عليه نور الهدي:الو فؤاد:الو سلام شكون معايا اختي نور الهدى:ياك انت فؤاد فؤاد:اه الى بغا الله نور الهدى:كيداير لاباس فؤاد:الحمد لله هاد الساعة مزال ماقلتيش ليا شكون انت نور الهدى:انا معجبة فؤاد:ههههه اوا شرفينا باش نعرفوك نور الهدى:مانقدرش نقولك فؤاد:فصراحة صوتك ماغريبش علي نور الهدى:بصاح فؤاد:واش أنا كانعرفك نور الهدى:اه انا من العائلة فؤاد:دابا راني مشغول فليل نعاودو نهضرو و بغيتك تقوليلي شكون انت واخا نور الهدى:واخا نحاول فؤاد:يمكن مافهمتيش انا ماقلتش ليك حاولي تقوليلي شكون نور الهدى:صافي عارفاك راسك قاسح واخا حتا الليل بسلامة
  انتهت المكالمة و نور الهدى غادي طير بالفرحة وهي ماعارفاش المفاجأة لي كاتسناها من بعد المهم فاليل

‫ الجزء2 :

 صونا علينا بقاو كيهضرو وهو يسولها:دابا غاتقولي شكون انت نور الهدى:انا....... فؤاد:انت ........يالاه غي كلمة نور الهدى:انا نور الهدى فؤاد:قوليلي هادي انت ازوينة نور الهدى:اه انا فؤاد:كيف درتي حتى جبتي نمرتي نور الهدى:خديتها من التلفون ديال ماما مني صونيتي عليها البارح فؤاد:مزيان احسن مادرتي نور الهدى:يعني مامقلقش حيت خديتها فؤاد:بغيتي صراحة نور الهدى:اه هادي احسن حاجة هي الصراحة فؤاد:انا كنت كانتمى تهضري معايا مني صونيت على ماماك باش نطلب منك تصيفتيلي نمرتك نور الهدى:بصاح المهم انا درت هاد المبادرة فؤاد:اه مزيان مني درتيها اوا شنو كاتعاودي توحشنك اجي بعدا راني مقلق منك نور الهدى:علاش شنو دارت ليك فؤاد:حيت ماجتيش فهاد الصيف نور الهدى:اه سمحلي غي محيت مشيت لتطوان فؤاد:ياك تطوان حسن مني نور الهدى:لا غي بغيت نبدل و صافي و زايدون ماكنتش كانضن الى ماجيتش غيكون هادشي كايعنيك و كايهمك فؤاد:حيت فصراحة حسيت براسي بوحدي نور الهدى:و لكن كانو معاك الدراري و حتى البنات فؤاد:واخا هكاك ماشي بحالك انت هضرتك زوينة نور الهدى:لهلا يختيك سمحلي دابا غانمشي فؤاد:دغيا سخيتي بيا نور الهدى:لا ولكن مشغولة فؤاد:واخا غدا نعاودو نهضرو مزال عندي بزاف مانقولك نور الهدى:واخا تصبح على خير فؤاد:تصبحي على خير بقات نور الهدى فرحانة و كاتفكر فالمستقبل اما فؤاد كان واخد الامر باستهزاء و هو اصلا حياتو كلها بنات و ديما كاي******المهم نور الهدى كانت غاديا معاه بالنية و هو كان غي مدوز الوقت...

  جا واحد النهار فاقت نور الهدى على صوت التلفون و فؤاد هو لي كايصوني:الو فؤاد:صباح النور نور الهدى:صباح الخير لاباس فؤاد:لاباس و انت نور الهدى:اه لاباس واش قبل ماتصوني شفتي شحال الساعة و لا لا فؤاد:اه غي بغيت نفيقك نور الهدى:اه عافاك خليني نمشي نكمل نعاسي فؤاد:واخا بلاتي و نعاود نصوني عليك شوية عاود صونا عليها نور الهدى:سلام فؤاد:صافي فقتي نور الهدى:اه فؤاد:اوا دابا غانسولك و انت جاوبي نور الهدى:واخا فؤاد:واش مصاحبة نور الهدى:صراحة حياتي كلها و انا مصاحبة و لكن دابا لا فؤاد:مممممم و من قبل شكون كنت كاتبغي نور الهدى:حتى واحد و لكن كنت مصاحبة مع خوك فؤاد:شنو مزيان اوا سيري كملي معاه و قطع عليها التلفون بقات تصوني والو و هي قالت نخليه حتى العشية و دازت العشية والو ماصوناش و مكايجاوبش و هي توصلها رسالة منو فيها:سمحيلي راه مغانجاوبك ما غانصوني عليك بلا ماتعدبي راسك و شوفي شي واحد لي يهتم بيك و يبغيك نور الهدى مني قرات الرسالة حسات فالدنيا كدور بيها و البيبان كاملين تسدو فوجهها عرفات و فهمات راه ماكانش كيبغيها صافي تصدمات و بقات غي تبكي و راه عادي حب حياتها الشخص الوحيد الي بغاتو و فرحات حيت كانت كضن راه كايبادلها نفس الشعور و لكن خلاها فوسط الطريق خلا قلبها يتقطعزعى حبه الكاذب فديك الساعة كانت كتفكر كيفاش تنساه حيت عرفاتو صافي مستحيل يرجع ليها دازت مدة و هي مازال كتفكر فيه واحد النهار مشات المدرسة و كانت راجعة شافت واحد الشاب كيشبه لفؤاد و هي تمشي تجري و شداتو :فؤاد جيتي ومني دار عندها الشاب لقاتو ماشي هو بقات تبكي و كلسات فواحد الكرسي و بسيف باش كاتنفس و هو يجي عندها واحد الطالب كايرا فنفس الجامعة و عطاها منديل و قرعة ديال الما:تفضلي نور الهدى شدات الما والمنديل بقات تمسح دموعها :شكرا الشاب:ممكن نكلس حداك نور الهدى:اه الشاب:ماغاديش نسولك علاش كتبكي و لكن غنقولك الي باعك ما تشريهش شافت نور الهدى في الشاب و حسات بروحها تجددات و بتاسمات و ماحساتش براسها حتى نعسات على صدرو بقات مدة قصيرة و هي على ناعسة على صدرو شوية ناضت و قالتلو سمحلي الشاب:عادي المهم ترتاحي وقفت نور الهدى و قاتلو سمحلي غانمشي بسلامة سلمات عليه و مشات و هي مرتاحة و عقلها مزال كايفكر فالهضرة لي قالها الشاب و هي تفكر ترجع تسولو على سميتو رجعات و لكن مالقاتوش..

 و لقات ورقة فوق الكرسي مكتو فيها:عرفت غادي ترجعي باش تسولي على سميتي انا سميتي سعد و باش يكمل التعارف بيناتنا انا عارف سميك نور الهدى نور الهدى استغربات كيفاش عرف سميتها و باش عرفها غاترجع بقات تقلب براسها باش تشوفو شافتو كايركب فالطونوبيل كايشوف فيها و يضحك نور الهدى مافهمات والو و لكن عجبها مشات للدار و هي كاتفكر فسعد و فالموقف الي دار معاها و قالت يمكن غدا نعاود نشوفو و مني مشات الجامعة بقات تقلب والو مالقاتوش صافي داز نهار وهي ماشافتوش و مني كانت راجعة للدار بغاـمشي على رجليها و طاح ليها التلفون وهي ساهية حتى تبعها واحد الشاب:نور الهدى وقفي دارت نور الهدى لقات سعد تابعها مني وصل عندها :راه التلفون ديالك طاح ليك نور الهدى:اه شكرا غي كنت ساهية ....قولي البارح باش عرفتيني غانرجع لتما و أصلا باش عرفتي سميتي سعد:كل حاجة بوقتها بسلامة نور الهدى:ولكن انا........ مشا سعد و خلا نور الهدى كاتسول راسها و كتمنى تعاود تشوفو بقات نور الهدى حايرة بغات تعرف ضاروري منين عرف سميتها و بقات كل نهار تقلب عليه ولكن والو سعد سيمانة مابانش و نور الهدى فقدات الامل واحد النهار مشات الجامعة بكري و كلسات على واحد الكرسي و بقات تأمل الطبيعة و فكرات ففؤاد و سعد وقالت علاش كنفكر فسعد اذن راني كنخون فؤاد و لكن انا و فؤاد سالينا أوف وحلت شنو ندير دابا فؤاد نساني حتى انا نساه و هي هاكا كلس حداها سعد :سلام نور الهدى هادا انت سعد:اه انا واش صدعتك نمشي بحالي نور الهدى:لا أصلا سيمانة و أنا نقلب عليك سعد:عليا انا ياك لاباس نور الهدى:داكشي كامل الي درتي و مزال كتسولني سعد:بصراحة مافهمتش نور الهدى:باش عرفتي سميتي سعد:راني قلتلك كل حاجة بوقتها نور الهدى:انا بغيت نعرف دابا سعد:لا دابا لا نور الهدى :واخا صافي سعد:ماتقلقيش نور الهدى:لاماتقلقتش عادي سعد:مزيان انا غانمشي دابا وقف سعد باش يمشي و هي تفكر نور الهدى فالنمرة بغات تعيط عليه و هو يرجع بوحدو:اه نسيت هاهي نمرتي..

 نور الهدى بدهشة:بغيت نعرف واش انت كاتقرى افكاري سعد:ههههههه انا عارف البنات والطريقة ديال التفكير ديالهم نور الهدى:انت بصح عجيب سعد:شنو دابا بغيتي النمرة و لا بلا نور الهدى:صافي ندمتيني حيت سولتك خدات من عندو النمرة و هو مشا و مني رجعات للدار بقات حايرة واش تصوني و لا بلاش و كاتقول:يمكن سعد هو مفتاح السعادة و هو باش نسى فؤاد و دكشي الي دار معايا و زايدون سعد زوين و بفلوسو اي وحدة تمناه و جا بين يديا علاش نخسرو و لكن مانصونيش اليوم خليه يتشوق للهضرة معايا من داك اللحظة و نور الهدى كاتفكر غي فسعد و فالطريقة باش غاتولي تهضر معاه و اللباس الي غاتولي تلبس باش يحماق عليها المهم دازت داك الليلة مزيانة و فالصباح فاقت نور الهدى و اول حاجة فكرات فيها هي البسة الي غاتلبس اليوم و وقفات قدام البلاكار و بقات تشوف و قالت :لون الانوثة هو الوردي اذن غانلبس هاد الكسوة الوردية لونها زوين و حتى شكلها انيق ...لبساتها و بانت بحال شي اميرة قادات وجهها و هادي اول مرة الدير الماكياج لبسات صندالة بيضاء و صاك بيض و خرجات مع الخرجة سمعات تصفيرة:واو اشنو هاد الاناقة .....دارت وهي تشوف سعد :علاش ماصونيتيش و لا زعما باغيا تشوقيني نور الهدى:بحال ديما قارئ الافكار.

 سعد:لا حيت انتوما البنات هاكا نور الهدى:اه المهم خلينا من هادشي كيجيك واش جا معايا الغوز سعد:اه جيتي هدهدة نور الهدى بخجل:شكرا انا غانمشي دابا باي سعد:حتى انا نمشي معاك نور الهدى:واخا سعد:اوا علاش ماصونيتش نور الهدى:سمحلي مكنعطيش نمرتي لدراري سعد:ههههه بلاماديري فيها بنت شريفة نور:ياكما شفتيني بنت الزنقة سعد:لا لا نور :اه اه صافي سمحلي غانمشي سعد:هدهدة راه غي ضحكت نور:ضحك مع راسك صافي بعد مني سعد:واخا على راحتك غانتسناك تصوني عليا نور:غي حلم سعد:الى ماصونيش غانعرف نمرتك كيما عرفت سميتك نور:واش فخبارك راك عصبتيني صباح هذا سعد:حشوما تعصبي و انت لابسة الغوز مشات ريتاج معصبة و سعد كايموت بالضحك و نور ماصوناتش عليه و فالليل صونات عليها واحد النمرة نور:الو سعد:الو هدهدة نور:هادا انت سعد:اه انا نور سمحيلي و الله ماقصدت نعصبك صافي بلاماتزدي فيه و سمعيني شنو بغيت نقول نور:اه هضر سعد:عرفتي حتى لغدا و نتلاقاو و نقولك كلشي واخا نور:واخا المهم بقاو كايهضرو و الهضرة مابين البنت و الولد راكوم عارفين الخبار فراسكم هههههه اوا البنت فصباح كي العادة فاقت لبسات الحمر لون الحب ههه و خرجات و مشات لجردة فين دارو باش يتلاقاو سعد شاف نور من بعيد و دار ضحكة ماكرة من فنهاية القصة غاتعرفو شنو المعنى ديالها تبعو مزيان المه جات سلمات عليه الهضرة كيما ديما سعد:فصراحة مامتيقش نور:شنو مامتيقش سعد:هاد الجمال كامل كالس حدايا نور:ههههه اه و شنو فيها اوا خصك تحمد الله سعد:انا كامدو داز اللقاء زوين و قبل ماتمشي نور سعد شدلها يدها و قربها عندو و عطاها احسن بوسة و كانت نور اول مرة كيبوسها شي ولد نور:شنو درتي سعد:نور انا بغيتك تكوني .

  نور خايفة:سعد انا سعد:نور قبل مانتعرف عليك و انا كنبغيك معجب بشخصيتك نور واقفة مصدومة سعد:شوفي نساي كلشي غانعيشو احسن لحظات غانسيك الهم و الحزن غي وافقي تكوني معايا طلقات نور من يديه و بعدات عليه و هي مصدومة زادت بعدات عليه أكثر و مشات بخطوات ثقيلة و في حالة صدمة و الدموع هابطين وحدة من مور اخرى حيت تفكرات حبها الاول و فؤاد و هضرتو حتى طاحت سخفانة و تجمعو عليها الناس و حيت كايعرفوها داوها لدارهوم مني فاقت لقات مالين الدار مجموعين قالتلهم غي العيا و صافي و خلاوها ترتاح بقات نور تفكر و تفكر ففؤاد و سعد و فجأة غوتات :لاااا صافي بغيت نساك افؤاد خرج من حياتي خرج من عقلي خليني نعيش هانية بغيت نعيش بغيت نعيش من بعد نعسات واحد المدة طويلة و مني فاقت لقات سعد صونا عليها شي 20 مرة و عاودات صونات عليه نور بصوت متعب:الو سعد:ياك لاباس انور علاش صوتك هاكا نور :انا لاباس سعد:واش قلقتك انور نور:لا عادي سعد:علاش مشيتي نور:مشيت و صافي سعد:سمحيلي نور:لا انت الي سمحلي سعد:مابغيتش نقلقك صافي انا غانخرج من حياتك نور:Ok قطع سعد و نور حيت كانت مزال كتفكر ففؤاد مابغاتش تظلم سعد معاها تعدبات بزاف فالايام الي بعد عليها سعد و مني صبرات حتى عيات و قالت :صافي غاندير حد لهاد العداب صافي غانعيش معى سعد و غنسا فؤاد بهاد الطريقة صونا على سعد نور:الو سعد بفرحة:الو نور هادي انت لاباس عليك نور:انا لاباس وانت سعد:مني سمعت صوتك وليت لاباس نور:بغيت نشوفك سعد بلهفة:اه حتى انا فين نتلاقاو نور:فالقهوة الي حدا الجامعة غدا مع 10 سعد:واخا صافي انا غنجي قبل تهالاي فراسك بزاف نور:حتى انت بسلامة قطعات نور و كتفكر غي فالحياة الجديدة الي غاتبدى مع سعد و هادشي كان غي طريقة للنسيان و الانتقام من فؤاد.

 و لكن نسات بلي دراري راهم مافيهم ثيقة المهم فاقت فالصباح و لبسات عادي و مشات تلاقا بيه هضرو عادي و المضمون,كان هو ان نور موافقة انها تكون معاه و واعدها عمرو يخليها و العم جاي يجي يخطبها وافقات نور و دارت تيقة عمياء فسعد و هو كان عندو هدف واحد راه ماشي داكشي الي على بالكم المهم الهدف غانخليوه مفاجاة ليكم ولنور المهم خليكم معايا هنا بقات نور على علاقة مع سعد و هو ماعمرو قلقها و ديما الي بغاتها كايحضرها ليها و هي كانت فرحانة حتى لواحد النهار صونا عليها فؤاد مني شافت الاسم ديالو حيات المشاعر ديالها من جديد و زادت دقات قلبها مني هضر معاها فؤاد:الو نور:الو سلام لاباس فؤاد:لاباس و انت نور:حتى انا فؤاد:نور بغيت نقولك راه السيمانة الجايا العرس ديال بنت عمي الي هي بنت خالك و راه عرضو عليكوم واش غتمشي نور:انا مافخباريش و لكن غانمشي عندي عطلة و انت? فؤاد:اه حتى انا غانجي قبل عندكوم نمشيو مجموعين واخ قوليها لماماك نةر:واخا مرحبا بيك فؤاد:ترحب بيك الجنة شكرا نور:يالاه بسلامة فؤاد:واخا حتى نتلاقاو من داك اللحظة بقات تفكر ففؤاد ونسات راسها راها دخلات فعلاقة مع سعد ولات ناسياه و مكتعطيهش وقت و كتهضر معاه بطريقة غريبة الشيء الي خلاه يشك و هي باش مايعرف والو رجعات كتعامل معاه بحال الاول و النهار الي كان غايجي فؤاد عندهم فرحات بزاف صافي من بعد قالتلو راني غانسافر سعد بدا كايشك و قالها واخا سيري مشاو و كانت ايام زوينة بحيث ان فؤاد هضر مع نور وطلب منها سماحة و قالها بغا يرجع معاها و واعدها فاقرب فرصة يهضر مع ماماها صافي نور بغات تطير من الفرحة و وافقات و لكن مافارقهاش تأنيب الضمير من جهة سعد و بقات معاه غي كاتسنى الفرصة باش تفارق معاه و بلا ماتجرحو و لكن ماجاتش الفرصة و الامور تطورات ولات معقولة فؤاد هضر مع مامات نور و حتى هي وافقات و فنفس الوقت بقات مع سعد و كاتحس انها كتخون فؤاد و كظلم سعد واحد النهار فاتحها سعد فموضوع الزواج.

  و توترات وهنا زاد شك سعد فيها و قالتلو مازال الحال دابا وافق سعد و دارلها خاطرها و فنفس الوقت فؤاد كان مزروب قال لنور صافي انا السيمانة الجاية نجي انا و العائلة نخطبك و نديرو الكاغيط وافقات نور فالبلاصة و نسات سعد و النهار ديال الخطوبة وقفات نور قدام فؤاد و جات زوينة و هما كالسين ضاحكين حتى دخل عليهم سعد قفزات نور من بلاصتها :سعد شنو كادير هنا سعد:شنو واقع أ نور نور: حدرات راسها فؤاد:شكون انت بعدا سعد:انا ههههه انا الي كنت غنتزوج بنور فؤاد:نور شنو كايقول هادا نور:انا ماعارفا والو سعد:علاش كاتكدبي أ نور نور:انا مكانعرفكش سعد بصدمة قرب ليها و شد ليها يديها:نور فؤاد ضرب سعد لوجهو:طلق منها ا الحمار سعد حتى هو جمع يديها و تواجه مع فؤاد وبقاو يضاربو ونور و العائلة كايفرقو استمر الحال حتى فارقوهوم و نور مشات عند فؤاد:شنو وقعلك واش تقسحتي فؤاد:طلقي مني شكون هادا نور:من بعد و نشرح ليك شاف فيها سعد بنظرة خيبة امل و احتقار و خرج من عندهوم و مشا كايضحك و تفارقو العائلات و قررو يديرو موعد اخر للضريب الكاغيط مني مشاو عائلة فؤاد وصلهم للدار و هز التلفون:الو المتحدث:أ فين أ فؤاد فؤاد:برافو عليك عرفت تمتل مزيان المتحدث:شنو يحسابليك فؤاد:شوف دابا عاد غاييدى اللعب غادير الي قلتلك المتحدث:كون هاني من شحال هدي و انا باغي هاد اللحظة فؤاد:يالاه تمتع و غرق الضربة صافي بسلامة بلا شك عرفتو شكون هضر مع فؤاد اه سعد الحقيقة ديال سعد انه كان معجب بنور و هي بهدلاتو واحد النهار قدام صحابو و بغا ينتقم منها و تعاون مع فؤاد و من الاول و فؤاد كيعرف سعد كلشي كان تمتيل دابا موجدين خطة لنور باش يدمروها و يبهدلوها.

 من بعد عيط سعد على نور:نور علاش درتي هاكا نور:سمحلي انا صافي مخطوبة سعد:بغت نشوفك اخرمرة نور:واخا سعد كان موجد الخطة مزيان صافي تلاقاو و هو يقولها طلعي لطنوبيل عندي ليك مفاجأة غمض ليها عينيها و مشاو حتى لدار مهجورة و مجهزة و مني وصلو نزلها دخلها لواحد البيت مجهز و هو يعطيها رايحا تشمها و هاد الريحة من الخارج الي شمها كايولي عبد فيد الشخص الاخر شماتها و هي مزال مغمضة عينيها حيد سعد حوايجو وخدم الكاميرا الي فالبيت و جا من موراها و كانت الريحة دارت مفعولها فنور و بدا سعد كيبوسها و حيد ليها حوايجها و مني حليها عينيها تجاوبات معاه و كملو من راسكم ههههه المهم شوية و هي بدات تفيق من الهيستيريا الي كانت فيها و شافت فيه و عرف سعد راه المفعول تسالا ناض طفا الكامرا نور:سعد شنو درتيلي سعد عنقها:ماتخافيش احبيبة غي وليتي ديالي و صافي نور:بعد مني :مشات تلبس حوايجها سعد:بلهفة:فين ماشيا مازال ماشبعتش غاتكملي هادشي الي بدينا و لا ماغايعجبك حال و حط يدو على الناموسية :يالاه كلسي كلسات نور والدموع فعينيها و كمل عليها من بعد لبسات حوايجها و مشات لدارهم حالتها حالة شوية صونا فؤاد الي كان عارف كلشي :الو حبيبة نور:سلام فؤاد:شنو واقع نور بحرقة:والو فؤاد:شوفي هاد السيمانة نضربو الكاغيط نور:واخا من بعد صونات نور على سعد:الو سعد:شنو نور:كيفاش شنو سعد:بعدي مني نور:قضيتي حاجتك و خليتيني الله ياخد فيك الحق سعد:مزال ماشفتي والو تلاحي ال**** قطعات نور و الدموع دم من عينيها :كانكرهك المجرم دمرت حياتي ماعمري نسامحك ضاقت بيها الدنيا و حسات براسها ضايعة و قالت صافي فؤاد غايتخلى عليها مني جا وقت ضريب الكغيط داز كلشي مزيان و من بعد ماعمر سعد عاود سول فنور صافي رتاحت و قالت ماغايدير والو و بقاو يوجدو العرس و دازت مدة فؤاد دار الي فجهدو باش يخلي نور ضحك باش نهار العرس يهجرو ليها خرجها و ساراها و عمرها هدايا و حتى بوسان ههههههه المهم جا نهار العرس و نور بدات تبكي حيت فكرات فاليلة حيال العرس و شنو غادير الى لقاها فؤاد ماشي بنت أكيد غايخليها و هي تجي مها:تبارك الله على بنتي جيتي غزالة صافي غاتمشي و تخلي الدار خاوية عليا.

 نور:ماما غانبقى معك غي تهناي مها:كيفاش نور:والو وهي فبالها عارفة القصد صافي جا وقت خروج العروسة ودارو كلشي بحال اي عرس شوية دخل سعد نور تصدمات و توترات و شاف فيها بحقد مشا يسلم عليها و على العريس و قاليه هاد الورقة عطاهليا واحد الرجل بغا قالي من طبيب ديال العروسة وهادي غي خطة انتم طبعا فهمتو ديالاش الورقة و حتى هاد الشريط انا غانديرو نشوفوه كاملين و غمز نور صافي هي عرفات شنو كايقصد بدات تبكي من,جهة الورقة الي كاتبث انها ماشي بنت و الشريط الي فيه شوهتها خدم سعد الشريط و بخرج و الناس كايشوفو فالتلفازة و هو يبدا الشريط بان كلشي و الناس تصدمو و هو ينوض فؤاد داير فيها محترم وحل الورقة و لاحها على نور:شنو هادشي نور ساكتة ناضو الناس خرجو ومها كاتغوت و فؤاد كيسب نور و شوها فالدرب خرجها حتى الزنقة و حيد لها حوايجها و جرجرها فالزنقة حتى سخفات و خلاها و مشا هو وعائلتو وقالها:تفو ال****** داوها عائلتها الطبيب و قالهم حالتها صعيبة حيت حصلات ليها جلطة فالدماغ اما تموت اما تبقى فغيبوبة حياتها كاملة و لكن ماماتتش بقات فالطبيب فغيبوبة و حتى عائلتها خلاوها تما و مابقاوش يزورها و اما سعد و فؤاد تزوجو و عايشين حياتهم النهااااااية

الفصل الحادي عشر : 

دوك الثلاث ايام دوزتهم على نار ، فضول غريب تملكني باش نعرفو ، طويل او قصير ، سمين او نحيف ، اسمر او اشقر ، كنت داءمة التفكير فيه ، شغلي بالي ، وليت ساهية بحال شي مراهقة ملي يدق قلبها اول مرة ، سلمى هي اول وحدة صارحتها ، مسكينة

فرحت ليا من قلبها ودعات معايا ، فعشية الجمعة مشيت انا واياها نشريو شي فستان لليوم الموعود ، درنا حتى حفينا والحاجة لي نقلبها ما تجيش على خاطري ، حتى كنا قطعنا الامل وانا نشوف واحد الفستان فوق الركبة فواجهة احدى المحلات فيه شي توشيات ذهبيين على الكتاف ، عجبني من النظرة الاولى فاش قلبتو ، جاني ميت على الفورمة ديالي ، انا واخة تزوجت وولدت ما بايناش فيا نهاءيا وبزاف دالناس كيتصدمو فاش كيعرفو انني والدة ، سلمى اصرت انني نشري صباط فالكحل عالي الكعب ، انا غي درت ليها خاطرها ، ما عنديش مع الكعب العالي ، خصوصا انني طويلة وما يحتاج نطول راسي اكثر ، فاش سالينا الشوبينغ ، مشينا تغدينا وكلينا ايس وسلمى وصلتني للدار ، لقيت مهدي كيلعب مع صاحبو المفضل عطيتهم الفلوس وعنقت ولدي ودخلت للدار ، لقيت ماما موجدة براد اتاي مشحر بالنعناع وسفنجات سخونات ، شربنا اتاي وحكيتلها على سعد مسكينة دمعو عينيها وقاتلي لي فيها الخير يجيبها الله ... غالبا كنخدم صباح السبت ولكن داك النهار عطانني سلمى روبو ، فقت فطرت ومشيت للحمام ، ضربتها بفركة وخرجت انسانة جديدة ههههه مليءة بالحيوية ، دزت عند الكوافورة صاوبت شعري ، مشيت للدار لقيت ماما مصاوبة طجين بالخضرة ، بصح ما قدرت ناكل ، تسدات ليا الشهية ، غي مخلوعة وساهية ، وفنفس الوقت فرح وبهجة غريبة ، اليوم غا نتلاقاه ، طلعت لبيتي صاوبت مكياج خفيف ، يلاءم لون بشرتي البيضاء ، حاولت نخفي النمش لي فوق انفي بالكونسيلر ، درت ظلال عيون اخضر فلون عيوني ، واي لاينر خفيف وماسكارا وغلوز ، فاش شفت فالمراية عجبتني النتيجة وحسيت بالانتصار ، لبشت اللبسة لي شريت وفوق منو جاكيط خفيف ، واستنيت بفارغ الصبر اتصالو ، حوالي الرابعة اتصل وقال انه كيستناني فمقهى قريبة من البحر ، قالي شنو لابسة غا نستناك برة ، قتلو جاكيط فالازرق البارد ....

الفصل الثاني عشر :
خرجت من الدار مخلوعة ، شديت طاكسي وصلني للمكان المعهود ، بقيت واقفة كنستنى ما بانلي حد ، شوية واحد السيد نزل من واحد لاند رووفر خضراء زيتية ، طويل وشعرو كحل رطب تتلاعب بيه الريح ، بشرة لامعة سمراء من كثرة التعرض للشمس ، صدر عريض ، ملامح قوية ، عيون سوداء ذات رموش طويلة ، بقيت نرجف واش هو ولا ماشي هو ؟ انا كنت راسمة ليه صوؤة بعيدة كل البعد على هاد الخير لي كنشوف دابا تقرب مني وقالي واش انت الانسة سمر ؟
اسم سمر خارج من فمو كي العسل
سمر : انا هي شكون انت ؟
سعد : سلمنا على بعضياتنا بالوجه وقالي واش ندخلو للكافي ، فاش دخلنا لقيناه عامر ، كاع النسا لي تما بقاو متبعين نظراتهم لسعد ، انا حسيت بالغيرة عليه واخة مزال ما درنا فالطاجين ما يتحرق ، خشيت يدي تحت يدو وجبدتو لعندي ، فحالي كنقول للعالم كامل هءا ملكي ، هذا ديالي بوحدي ، سعد شاف فيا شوفة غريبة ، وكنشوف ضحكة استهزاء على طرف شفايفو لي كيشهيو بغيت نلتهمهم التهاما . جا كماريرو ودانا لواحد الطابلة حدى النافذة ، من تما نقدرو نشوفو البحر وامواجو الهايجة ، حيت كانت الريح شوية ، انا طلبت عصير البرتقال وسعد قهوة كحلة ، لانه كان عيان ساق مسافة كبيرة .
سعد : ما توقعتكش تكوني هاكة صدقتي اجمل الف مرة من توقعاتي
سمر : حتى انا متوقعتكش تكون هاكة
سعد توقعتي شي فلاح ، عندو الكرش والموسطاش وسنانو صوفر ، سمر ضحكت حتى دمعو عينيها
سعد : فاش كتضحكي عينيك كينورو بحال شي جوهرة او فحال شي بحيرة كتشرق عليها اشعة الشمس .
سمر حنيكاتها حمارو وهبطت عينيها ليديها المنزلين فوق الطابلة
سعد : المهم ندخلو فالموضوع مباشرة ، انا انسان معقول وكيعجبني نحط يدي على الجرح بدون لف ولا دوران ، انا عمري 35 سنة ، قريت الاقتصاد ففرنسا منبعدها زدت عامين ديال التكوين فصناعة الاجبان والفلاحة البيو ، وبقيت خدام تما حتى جاني خبار من البلاد ان خالي لي كان متكلف بمزرعة ماما الله يرحمها كبر فالسن وجاه الزهايمر ، اكيد عندي خوتي ، لكن هما بانيين حياتهم فالمدينة وبخدمتهم وما مستعدينش يرجعو للعروبية وينقطعو على العالم الخارجي ، فانا الوحيد لي كان خاصني نجي ونشد المزرعة ونتكلف بيها ، واخة لقيتها فحالة يرثى لها ، وبديت من الزيرو وخسرت كاع الفلوس لي جبتهم معايا من برة ، دابا الثلج بزاف وحال المزرعة واقف ، مزال غي كنصرفو ما عندنا مداخيل ، لكن فالصيف غا تتغير الحالة ان شاء الله ، انا تخصصت فانتاج الحليب والجبن البيو وقدرت نشد عدة عقود مع شركات اجنبية لتسويق المنتوج ، وحتى البقر لي عندي مستوردين من هولندا وعندهم قدرة كبيرة على تحمل درجات الحرارة المنخفضة فالجبال ، حنا عايشين تقريبا منعزلين عن العالم ، اي نعم كاين جيران ولكن بعاد ، خالي وجميلة ساكنين قراب منا ، وجميلة مساهمة فالمشروع ديالي بواحد النسبة قليلة ، انا كنت مزوج ولكن ما تحملتش حياة البادية ومشات وتخلات عليا ، منبعد مدة اتفقنا بالتراضي على الطلاق وكل واحد شد طريقو ...
طيلة هاد المدة لي كان سعد كيتكلم فيها انا كنت حالة فيه فمي ، وكنبرع عينيا فهاد الجمال الرباني ، سنيناتو مقادين وبويض وعينيه اهدابهم طوال وكحل ، عند الصدغين كنشوف شي شعرات بويض زادوه سحر ووقار ، فاش كيهضر كيحرك يديه ، عطاه ربي واحد الوسامة غريبة
سعد : هيهو فين سهيتي ؟ ههههه كنت نعشق فيك قلتها في خاطري ، سعد : حدثيني شوية على راسك
سمر : حياتي عادية وهادءة ، انا مطلقة وعندي طفل اسمو مهدي عندو عشر سنوات ، عايشة مع ماما ، هي ماشي ماما الحقيقية تبناتني وصافي ، واليديا الحقيقيين ماتو فحادثة ، خدامة فسبير مارشي صافي هاد الشي لي كاين هههههه

الفصل الثالث عشر :
دوزنا العشية كاملة مع بعضنا ، وقالي سعد نديرو العقد الاسبوع المقبل ونلتحق بيه فالصيف ، بحكم ان الاجواء باردة فهاد الوقت وغا يجيني الامر صعيب ، ولكن انا رفضت قتلو نديرو العقد ونمشي معاك مباشرة ، انا كان الهدف ديالي نهرب من بدر ملي يخرج من السجن ما يلقانيش ، خصوصا فالايام الاخيرة ولا ديما يتصل ، ومصر واحد الاصرار كيخوفني ، سعد استغرب شوية لقراري ولكن ما قال والو خلا الامر هكداك ، لقينا المغرب غرلي وقتلو ضروري نمشي وصلني للدار ، وكان بغا يتدخل يتعرف على ماما ،ولكن انا منعتو ، خفت من ردة فعل مهدي ، بغيت نجهزو للموضوع ونهضر معاه على انفراد ، مسكين غا تتغير حياتو بزاف ، يسمح فمدرستو وصحابو ويسمح فالمدينة لي تولف بيها ، ويبدى من الزيرو ، فوق هذا ماماه تتزوج رجل غريب ...
توادعنا واحد الوداع غريب ، ما سخيناش ، فحالي كنعرفو بعضيتنا هادي سنين ارتاحيت ليه واحد الراحة عظيمة ، مديت ليه يدي ، شدها فالكفين ديالو الكبار ، كنحس بقوتهم وخشونتهم بسبب العمل الشاق ، جبدني لعندو وضمني لصدرو القوي، سمعت دقات قلبو وشميت ريحتو ، ريحة غريبة ، ريحة عطر بنكهة الخشب ، صندل عرعار ، ممتزجة بريحة رجولتو ، دقات قلبو في تصاعد مستمر ، طلع وجهي بموازاة وجهو ، شفت فعينيه وغرقت فيهم ، تحولو للاسود الغامق ، حسيت بالنار والرغبة فعينيه ، حط فمو على على فمي ، فقبلة خفيفة هادءة لسرعان ما تحولت لقبلة متوحشة وعنيفة ، امتزجت فيها ارواحنا وانفاسنا وخلاني بحال ورقة خريف في مهب الريح ...
خرجت من السيارة مرتجفة الكيان ،محمرة الوجه ، ما عرفت كي درت حتى فتحت الباب ، مزية لقيت ماما و مهدي ناعسين ، ما فيا لي يجاوب على شي اسءلة ، رميت صاكي وسباطي وترميت فوق الفراش ، وحطيت يدي على شفايفي كنتفكر قبلة سعد وحلاوتها ، حسيت بقلبي اهتز اول مرة ، وجسدي ارتجف لوجود رجل ، مكونتش عارفة ان عندي هاد الفيض من المشاعر الحارة حتى تلاقيت سعد، حاجة وحدة لي ما عجبتنيش ، سعد كان يتناقش زواجنا فحالي كيناقش شي صفقة عمل ، يعني بدون مشاعر ، هو خاصو امراة لي تونسو فوحدتو وتطيبلو لا غير ... مع ذلك ضروري نستمر فالامر ، وصلت لنقطة اللارجوع ، رجولتو كتعذبني وعينيه وقبلاتو كيحمقوني ، نعيش معاه غي شهر ومنبعد الى جات الموت مرحبا بيها ، ههههه صافي غرقت فحبو حتى للوذنين ...

الفصل الرابع عشر :
اسبوع مر فرمشة عين ، قدمت استقالتي لسلمى وفرحت ليا بزاف مسكينة ، الى كان الله عزوجل حرمني من اخت فاكيد عوضني بسلمى ، شريت حويجات خفاف ليا ولولدي ، من فلوس كنت جامعاهم ، سعد ما هضرناش على الصداق ، كنا نهضرو يوميا قبل ما نعسو ، ولا عندي بحال المخذر ضروري نهضر معاه ، ضروري ناخذ جرعة قبل النوم ونسمع صوتو الحنين العميق ، كنحس بالامان معاه ، هاد الامان لي ما بقيتش حسيتو من نهار توفى الوالد ، ولكن مع سعد ،كنحس براسي مع حرش يعتمد عليه ، وانا هذا هو نوع الرجال لي كيعجبوني ، مكنحملش الرجال لي بقا دابا ، يحيدو الحواجب ،ويديرو كريمات للوجه ، حتى ولاو انعم منا حنا العيالات ، الرجل خاصو يكون خشن ، نحذتو الحياة عندو هبة ووقار وقادر على المسؤولية ولا يهاب الصعاب .
جلست مع مهدي وحاولت نشرحلو الموقف، سمح فينا انا وماما قالنا ما مشيش هي ما مشيش ، قالي : انت سيري تزوجي وانا نبقى مع جدتي ، غا يقتلني هاد الولد بالفقصة ، انا علامن كندير هاد الشي ماشي غي باش نفرقو على باه ، يا للغرابة ويا لسخرية القدر كنبعد طفل على باه ، خايفة عليه من دمو ولحمو ، ولكن هذا ما كتاب ، وكيما كيقولو المصريين المكتوب عالجبين لازم تشوفو العين ، ديتو لماكدو وحاولت ندير معاه واحد الصفقة ، قتلو اعتبرها عطلة الى ما عجبك الحال نرجعو ، عاد الدري قبل بشق الانفس ...
المهم وجدت جهازي الخفيف ووجدت الوراق لي خاصني للعقد، ومشيت لمدرسة مهدي خذيتلو الانتقال ، وحسيت انني محيت الوجود ديالي من هاد المدينة لي عشت فيها حياتي كاملة ، ما سخيتش بالناظور الحبيب هو لي حظن افراحي واحزاني ، مشيت للكورنيش وبقيت كنتامل فالبحر ، عندو واحد الطاقة عظيمة على تهدءة مشاعري ، استنشقت الهواء المنعش وكانني غا نشمو لاخر مرة فحياتي ، او كانني غا نغوص فعمق شي بحيرة ، شفت العشاق يد فيد وابتسمت مكانش احلى من الحب ، الله يجمع شمل الاحبة في جميع بقاع العالم ، جمعت راسي وتميت راجعة للدار ، غدة غا تكون ليلة عرسي ، غا نربط مصيري بشخص اخر بعيد كل البعد على ثقافتي ، واخة كنهضرو الامازيغية بجوج لكن لهجاتنا مختلفة، كنفهم بضع كلمات فقط ، لاحظت هاد الشي فاش كيهضر سعد مع صحابو فالتليفون ....

الفصل الخامس عشر :
نهار العرس ، درنا حفلة صغيرة جمعنا فيها جيرانا العزاز علينا ، هما لي طيبو ووجدو الحلاوي ، تضامنو مع ماما مسكينة ، جا سعد لابس سموكينغ كحل ، ناري كيشعل كيبان بحال رجال الاعمال ، بنات الجيران تربطو فيه ، انا لبست لباس ابيض بدون حمالات شريتو مستعمل من النت ، ودرت حزام ابيض مرصع بجواهر فضية ، وفنفس لون الحزام درت اكسيسوارات خفيفة ، وهاد المرة سلمى هي لي صاوبتلي مكياج غامق ، بينت جمال عينيا ودرت روج فالاحمر ، اصريت نلبس الابيض لانه حسيت ان فعرسي الاول ما حسيت براسي عروسة ،ولكن دابا حاجة ثانية ، كنفيبري وفاقدة الذاكرة ، سلمى قاتلي ثبتي شوية الزمر ههههه محنتها مسكينة معايا ، فاش هبطت مع الدروج بالصلاة والسلام على رسول الله ، كلشي الانظار اتجهو ليا انا كان يهمني واحد ، سعد حبيبي لي حل فمو ، جاو معاه خوتو وصحابو كلشي بقاو حالين فمهم ههههه شكون شكرك العروس ؟ شكرتني ماما وخالتي ولي جالسة قبالتي ، جلست بجنبو ، العدول دار شغالو ، حتى هو ولد حومتنا ، والبنات ظارو الموسيقى وبقاو يشطحو ، مهدي اندامج شحال شطح وشحال كلا حلويات ، تقول ماشي ماماه لي كتزوج ههههه
نشطنا وشطحنا ، تصورت بزاف مع الخنفوسة ديال ولدي ، اكثر ما تصورت مع العريس ، وتسالى العرس ، خوت سعد ودعونا ومشاو حيت تابعاهم الطريق ،والجيران ودعونا وتفرقو بكاوني ، بدلت كسوتي ، لبست واحد اللباس فوق الركبة فالازرق الملكي ، وجمعت حوايجي وحوايج ولدي ودعت ماما بصعوبة مسكينة بقات فيا ، كنحس بحالي قسمت قلبي نصفين ، نصف غادي معايا ونصف خليتو فالدار ، كان صبح الحال ملي انطلقنا ، ولكن ما وصلنا لمزرعة سعد حتى طاح الظلام ، الطريق صعيبة بزاف ولولبية ، وزادت صعابت مع وجود كميات هاءلة من الثلوج ، كنحس براسي غادية لعالم اخر ، وهاد العالم غا يكون اصعب من قدراتي ، فالطريق كاملة مهدي وسعد ما سكتوش من الهضرة ، طهجوني ما خلاوني نفكر على راحتي ، مهدي شحال فيه قوة الاسءلة ههههه

الفصل السادس عشر :
وصلنا حطينا حوايجنا ، فيلا كبيرة ، وشرفات واسعة ، لكن ما كاملاش ، سعد ملي كيلقى الوقت كيخدم فيها غي بوحدو ، دخلنا لواحد الغرفة واسعة ، هي غرفة المعيشة ، فيها فوتوي فالقنت ، وفالقنت الاخر مطبخ امريكي فطور التجهيز ، مدفاة تقليدية ديال النار وفيها فين يطيب الواحد الماكلة وفرن لتحضير الحلويات والكعك اللذيذ ، الستيل باش مبنية الفيلا وباش مجهزة ستيل اجنبي اروبي ، فاش تتسالى غا تكون تحفة ، جاب سعد جوج ديال ليبوت ديال البلاستيك حتى للركبة ومبطنين مزيان وسخونين ، وكان شي حد اخر هداني بوط بلاستيك كنت رميتو على كمارتو ولكن فهاد الوقيتة حسيت انها احسن هدية تلقيتها فحياتي ،منبعد قالي سعد نمشيو نسلمو على خالي وبنتو ، ويا ريتني ما مشيت ، ماشي بعاد بزاف على الفيلا ، غي واحد 100 متر ، دخلنا لا سلام لا كلام ، بنت خال سعد جميلة كتشوف فيا بشر ، وكان كانو النظرات يقتلو وكان راني فعداد الموتى ، جميلة اسم على مسمى ، كتحمق بالزين ، مقبلة على الاربعين ، عينيها زورق وصافيين وشعرها اسود سواد الليل ، بشرتها صافية بيضاء بياض الحليب، جمالها خليط من الجمال الاوروبي والعربي الاصيل ، جسمها كجسم فتاة ذات العشرين ربيعا ، لابسة دجين وتي شورت وعاملة حلقات فوذنيها ديال الذهب كلاسيكيين . خال سعد شخص متقدم فالعمر والجسم ديالو بدا يضعاف ، وحتى عقلو مسكين فيه الزهايمر ، تلقاه كيتكلم صحة سلام شوية يدخل فالذكريات يتكلم على الحروب وايام زمان ، كيتخالطو عليه الدواصا مسكين ، مهدي عجبو خال سعد بزاف لانو كيحكيلو على الحرب ومغامرات الشباب ، بقا يشدنا خال سعد نتعشاو ولكن رفضنا ، لاننا تعشينا فالطريق كنا باغيين غي نتكاو ، ودعناهم ومشينا للفيلا ، ودانا سعد لبيت مهدي ، ونعسناه بجوجنا ،ومشينا لبيت النعاس ، سعد جبدلي واحد الصرة عامرة بالذهب ، قالي : هادي خلاتها ليا ماما ،وانا ما درتش ليك الصداق قبلي مني هاد الذهب ، واخة كنت فازمة مادية عز عليا نبيع ذهب الوالدة حيت كيفكرني بيها كان عزيز عليها ، اختاريت واحد الخاتم بسيط فيه جوهرة فالوسط ،والباقي رجعتو للبلاكار ، سعد ما هبطش الحقاءب ديالنا ، وعطاني ت شيرت ديالو نعست فيه ، نعسنا فسرير واحد ، توقعت انه يغازلني يبوسني لكنه تقلب ونعس ، وخلاني هايمة فافكاري ...

الفصل السابع عشر :
ليلة كاملة وانا نتقلب ففراشي ، سعد ناعس قريب مني واتا ما قادرلش نلمسو ، السهل الممتنع ، كنشوف فوجهو وهو ناعس كيبان فحال الملاك ، ما حسيتش فوقاش داني النعاس ، ضربتها بنعسة حتى ل 11 ، سعد فاق فالفجر ومشى قضا شغالو وكل البقر ، وشطب ليهم وحلبهم ، واستقبل الالات لي غا يستعملهم فانتاج الجبن ، وانا خامرة وما حاسة بالدنيا ، فاش فقت بقيت مدة عاد استوعبت فين كاينة ، شفت الساعة لقيتها 11. عاد نضت نجري غسلت وجهي وسناني ، فاش دخلت للكوزينة لقيت سعد كيشرب القهوة ، فرغلي فنجان كبير شديتو بيديا بجوج باش ناخذ منو شوية ديال السخونية ، طليت من السرجم ، لقيت مهدي كيلعب مع واحد الجرو ، صافي كملت حقق الحلم ديالو شحال وهو مصدعني نجيبلو كلب ، ماما كانت معارضة ندخلو الكلب للدار ، شفت سعد دخل الحقاءب ديالنا ، بدلت عليا وخرجت نكمي ، سعد شافني كندخن ولكن عمرو عقب على هاد الشي ، وبيني وبينكم افضل ، لان هاد الشي لي غا يقول عارفاه ، عارفة مضر وكيقتل ، ولكن مدمنة ، منبعد خرجني سعد باش نتعلم نسوق شوية ، واخة كان عندي البيرمي مكنعرفش نسوق ، كل مرة ندخل فشي قنت ، فهاد اللحظة بالضبط بقا يصوني التليفون ، ما بغيتش نهز ومدابزة نسوق والتليفون برزطني ، قلت لسعد هادي اكيد ماما ، ولكن غي كذبت عليه انا عارفاه بدر ، سعد تعصب ، سمر سحابها تعصب سعد على ود سياقتها ولكنه تعصب على ود التليفون ، حس ان ماشي ماماها لي كتصوني وكان كانت وكان ردت عليها ...رجعت للفيلا لقيت مهدي وخال سعد رجعو كانو مشاو يزورو واحد الصديق فقمة الجبل المقابل ، واخة من النظر كيبانو قراب ولكن جبدة طريق ، وجد سعد اللحم فالفران ، كلينا ومشينا سجلنا مهدي فالمدرسة ، كيجي يديهم الترونسبور ولكن فاش يكون شي مشكل مكيجيش داك شي علاش كان خاصني نتعلم نسوق ، وباش نمشي نتقدى من الفيلاج لي قريب منا ....

الفصل الثامن عشر :
دازت الايام سعيدة ، تولفنا بجو البادية والهواء النقي ، انا حاجة وحدة لي كانت خالعاني ، بدر يوميا يتصل ويتوعد ، باش نهضر معاه كان خاصني نخرج على برة ، باش يشدلي الريزو ، هاد المرض ما بغاش يفهم انني ما باغياهش ، واحد المرة كنت جالسة من مور الغدا ، حتى جا سعد هاز جوج هدايا مغلفين ، قالي وقفي وقفت ، حل العلبة الاولى جبد منها جاكيط حتى للركبة مبطن خاث بالثلج ، فاش شفت للسمية لقيتو مايكل كورس ، ناري باينة غالي ، قالي سعد : قالي سعد هاد الجاكيط شريتو ليك باش ملي تخرجي تكمي ما يضربكش البرد ، حشمت وكان لقيت الارض تفتحت وبلعتني ، وحلفت من داك النهار ما نعاود ندخن ، وداكشي لي كان ، ثلاث ايام الاولى كانت صعيبة بزاف ، منبعد تعودت ونسيتو ، دابا وصلت بيا الدرجة انني كنتضايق من شي حد كيدخن قريب مني ، والمراة مكيناسبهاش التدخين كينقص من انوثتها ، وصدق من قال : من قبل امراة مدخنة ، كانه يلعق مطفاة السجاءر ، اما مهدي جابلو كتاب على الحيوانات حماق ملي شافو ، ولا شادو صباح وعشية .
علاقتنا بدات تتحسن وتتعمق ، حتى لواحد النهار دخلت للاسطبل لقيت جميلة كتقول لسعد : علاش جبتيهم فهاد الوقيتة انت عارف اننا كنمرو بازمة وكان خليتيهم حتى للصيف على الاقل ، دابا كتصرف عليها وعلى ولدها وزايدها وشاري ليها المونطو بمبلغ كبير ؟ واش انت مكتحسش بالمسؤولية ؟
سعد جاوبها معصب : الالة ماشي عطيتيني جوج فرنك وغا تذليني عليها ، تيقي بيا مرة وحدة فحياتك وتيقي فقرارتي
جميلة : انا خايفة عليك ، لا تنسلك وتستغلك كيف المراة الاولى
انا تعمرو عينيا بدموع وجيت خارجة ، ما حسوش بيا ، لقيت لاند رووفر ديال سعد وندهتها بسرعة فاءقة ما بقاش هامني واش نموت او نعيش ، انا من نهار تزدت وانا ما عندي زهر ، متعودة دايمن ....
وصلت للفيلاج كان صغير ، فيه مركز استشفاءي صغير ، محطة للوقود ، وسبير مارشي وصيدليه وحلاق ، وبيوت صغيرة واكواخ تعد على رؤوس الاصابع ، دخلت لسبير مارشي وعلقت اعلان انني ابحث عن عمل ، جات عندي الباءعة قاتلي : اختي ما غا تلقلي والو ففصل الشتاء ، ففصل الصيف لي كتمثر الحركة وكيحلو الاقامات لي كيستقبلو السياح لي كيديرو السياحة الجبلية ، تقديت شوية ديال الخضرة وشريت ساشيات ديال الصلصات الجاهزة ، خاصني على الاقل نطيب ، ديك جميلة قتلتني بالمعاني حاسبة راسها شميشة غي هي لي كتعرف تدير كلشي .
فاش كنت راجعة روحت ولدي من المدرسة ، لقيتو كلو دمايات ، دابز مع ولد كبير القبيلة ، قفرها هاد المسخوط ، كان سعد غا يبيع ليهم الفورماج والحليب ودابا سد البيبان في وجهو ، تعصبت غا ننفجر وما لقيتها حتى من جهة ، وانا جاية التليفون بقا يصوني ، لقيتها ماما قاتلي انني جاتني ورقة من المحكمة ،بدر قيد بيا واتهمني انني خطفت ولدو وخاصني ضروري نحظر عندي جلسة هاد الاسبوع ، sinon ، يزولولي مهدي ويعطيوه لباه ، ناري الدنيا دارت بيا نزلت وبقيت نغوت ، تمرغت وبكيت فالثلج حتى عييت. ، ونضت فاش جيت نديماري السيارة والو ما بغاتش ديماري ، وحتى بطارية التليفون تسالت ، ميمتي غا نباتو هنا فالثلج هادي هي النهاية ، فين نشوف نلقى الثلج بيض ، بقينا شي ساعة حتى وقف علينا واحد السيد وولدو ، سولنا كي صرا لينا عاودنا ليه القصة ، صدق صديق سعد ، جرنا بسيارتو ودانا لمزرعتو ، عندو مزرعة كبيرة وفندق ومطعم تقليدي ، لكن اكيد خدامين غا فالصيف ، شكون يجي فهاد البرد لهاد المكان ، اتصلت من عندهم بسعد ، جا حسيت بيه ما حاملنيش ، اكيد ما يحملنيش عمراتو اللفعة القرطيطة عليا ، وحتى كحل العفطة دولدي ما خلا فيها ما يصلح ....

الفصل التاسع عشر :
وصلت بدلت كسوتي ومشيت للكوزينة ، سلقت البروكولي والنودلز ، وعملت ليهم ديك الصلصة البيضاء ، ورشيت الفوق الفورماج ، ودفعتو يتحمر فالفران ، وعملت سلطة مشكلة ، هنا الخضرة عندها طعم ثاني ، حيت كلشي فريش ، قديت الطبلة ، وعيطت لسعد ومهدي ، واول مرة كياكلو ماكلتي ، قالي سعد كتعرفي تطيبي ههههه ( قلت فخاطري الله يخلف على الصلصة الجاهزة ) ، كلينا انا خرجت نعاون جميلة فالاسطبل ، لقيتها سالات كلشي ، قلت ليها واش كاين فاش نعاونك ، قاتلي دخلي الخشب ، بغات تجيبلي التمام ، ولكن معامن بحكم انني كنت خدامة فسبير مارشي كنت مولفة بالثقل ، هاد شي حاجة عادية عندي ، سمعت سعد كيخاصم عليها ، علاش تعطيني الثقل ، وانا ما مولفاش ، قاتلو هي بغات ، جا يعاوني لقاني ساليت ، دخلنا للدار وجدنا الغوتي جنب بجنب ، حسيت بسعد تحسنت معاملتو ليا ، هضرنا وضحكنا ، ودينا مهدي لبيتو ، سعد مشا لبيت النعاس وبقا يقرا واحد الكتاب ، انا اغتنمت الفرصة ودوشت ولبست واحد الغوب دونوي قصيرة ، شفافة ، عندها شي لمعات على الصدر ، عملت بارفان وصاوبت مكياج خفيف ، ودخلت عند سعد ، لي تلف وبقا حال فمو ، قربت لعندو وبقيت كنبوس فيه بنعومة ولطف ، فالبداية بقا ساكن سكون الصنم ، ولكن منبعد هز يديه وبقا كيداعب صدري ، ويقبلني قبلات مجنونة ، دوز لسانو على جسدي لي اقشعر من النشوة ، قرب لعندي وحظني بقوة وما خلا سنتيم فجسدي ما داعبوش ، حسيت باحساس عمرني حسيتو فحياتي ، حسيت نفسي فوق السحاب ، وتيرة الحب كتزاد قوة وانا كنتزاد رغبة واستمتاع ، فاش سالينا ختمها بقبلة على شفتي ، قالي شكرا لانك منحتيني هاد الفرصة وهاد الشعور لي عمرني حسيت بيه سعد دوش ورجع شعرو الملل لور ، زادو جاذبية وجمال ، وقطرات الماء على صدرو ذو العضلات البارزة ، انا كيحمقني خاد الرجل ، ضروري نحكيلو الحقيقة الى بغيت نكمل معاه
سمر : سعد بغيت نهضر معام فواحد الموضوع
سعد : تفضلي الحبيبة ديالي انا كلي اذان صاغية
سمر : لي كيتصل بيل ماشي ماما وانما طليقي بدر ، قيد بيا ومنبعد غدة عندي جلسة فالمحكمة ضروري خاصك توصلني
سعد تعصب وعينيه حمارو وقلب وجهو ورجع كيخوف ، قالي : علاش خبيتي عليا ؟ واش ماشي من حقي نعرف ؟ حتى لدابا عاد جاية تقوليلي هاد الهضرة ، غدى الالة سيري بوحدك فالتران
لبس حوايجو وضرب الباب وخرج عييت ما نغوت : سعد رجع فين غادي فهاد الثلج ؟ غا يضربك البرد ... والو لا حياة لمن تنادي ، السرور والسعادة لي كنت حاسة بيهم قبل قليل ، تقلبو لتعاسة ، حسيت بحال شي حد كان يجري فالصحرا وتفرغ علسه سطل دالما بارد ، حسيت بقلبي توقف على الخفقان ، اول شخص دخل حياتي وحبيتو تخلى عليا من اول مشكلة ما تقبلتش نفقد سعد ، ولكن ناجل هاد الحريرة حتى نفك حريرة بدر خايفة يزولي الولد وهو حياتي ....

الفصل العشرين :
فالصباح فقت مع الفجر ، جمعت حوايجي وحوايج ولدي ، فطرنا مشيت نودع سعد ، كان فالاسطبل تجاهلني بحال الحشرة ... نزلو دموعي وشفت فيه للمرة الاخيرة عمرت مخيلتي بصورتو وبملامحو قتلو بالسلامة ، طلبت من جميلة توصلنا للمحطة ، هي بالفرحاة عليها تتخلص منا ويفضالها الجو مع سعد ، وصلتنا ومشينا عند ماما ، يا الله شحال توحشتها ، حسيت بيها ضعافت على المرة لي خليناها فيها عنقتها وبكيت على صدرها ، هاد المراة مسكينة شحال محنتها معايا ، لقيناها موجدة الحريرة ، شربناها ودخلنا ففراشاتنا ، ما دانيش نعاس ، كنت خايفة بزاف ياخذلي بدر ولدي ، الى خذاهلي غا يحكم عليا بالاعدام ، نظت توضيت وطلبت من الله عزوجل ينصرني ، حسيت براحة عظيمة ، كانت هادي اول مرة نصلي منبعد سنين ، لكن منبعد مكانتش اخر مرة وليت مواظبة على واجباتي الدينية .
دازت عليا سلمى فالصباح مشينا للمحكمة ، لقينا بدر فالكولوار طان معصب غير كيبركم ، دخلنا كل واحد شد بلاصتو ، بدر وكل محامية ، انا هضرت على راسي كانت جلسة مغلقة ما فيهاش الجمهور ...
قاتلي القاضية : علاش خذيتي الولد وسافرتي بدون علم الطليق ديالك ؟
جاوبتها بصراحة قلت ليها : كنت خايفة بزاف ، طيلة فترة الزواج كان كيضربني ويتكرفص عليا وهو راه مدمن اسعادة القلضية ، وملي كيسكر ما كيعرف حد ، فهاد التدخل ديالي كل بدر ينقز ومعصب ، والقاضية كتحاول تزجرو ، ولكن فاش قلت للقاضية انني تزوجت واستقريت فمدينة اخرى ، هنا بدر تعصب بزاف ، وقالي داك الولد ربحي بيه انا كنت باغيك انا ، وانا متنازلك عليه ، حتى انا تنازلت على النفقة والواجبات ديالي ما بقيت باغية منو والو ،وما بغيت نعيش ولدي بفلوس الحرام ، خرجنا انا وسلمى ما قادانا فرحة ، واخيرا تفكيت من بدر ، مشينا انا وسلمى وجلسنا قرب البحر وتواجهنا مع البحر ، شحال توحشت ناظوري الحبيب ، حكيت كلشي لسلمى وحتى هي فرحتني واخيرا ربي رزقها الذرية الصالحة راها حاملة وما قاداها فرحة ....
مهدي كان يقيل يلعب برة مع صحابو توحشهم ، دوزت اسبوع مع ماما وسعد ما سول فينا ، فوقاش ما صونا التليفون او الباب يفرفر قلبي ونقول هذا سعد حبيبي ولكن لا حياة لمن تنادي ، حتى لواحد النهار كان الجمعة ، عرقناها بسكسو واللبن ، وتكينا بدا يسخن الحال ، كنسمع التليفون كيصوني فاش رديت لقيتو سعد ، فرحت وبكيت من الفرحة ، قالي : انه بغا يتلاقاني ويتكلم معايا ، مزال كاين برودة ولا مبالاة فصوتو ، قالي غا يجي غدة السبت لعندي وصافي قطع .
دازت عليا ديك الليلة كحلة ، ما نعستو ما شفتو ، الغد ليه تغدينا ووجدت راسي وبقيت جالسة مع ماما فالصالون ، مهدي خرج يلعب ، ماما كتخدم الكروشي ، ما عرفت تريكو ولا سروال فالرمادي ، انا شادة واحد المجلة وكنقلب فيها من البداية حتى للنهاية وتقول واش قريت شي كلمة او استوعبت شي زفتة ، ماما بقات كتطمان فيا ، قاتلي مدام انه جاي برجليه حتى لعندك ، هذا دليل انه بغا يعطيك فرصة ، وبغا يسمعك ، وكان بغا يتفارق معاك كان اتصل بيك بلا ما يعذب راسو ، شوية وهو صونا قالي نزلي كنتسناك برة ، فاش نزلت وشفتو قلبي تهز من بلاصتو ، حسيت بيه ضعاف وما محسنش اللحية وقريب من عينيه تجاعيد صغيرة ياله كي بانت ، جيت نبوسو ونعنقو وقفني وقمعني ، يعني عاد غضبان مني ، مشينا من جهة البحر ووقفنا وشرحتلو كلشي على بدر وقتلو انه كان كيضربني ...
سعد : يعني اي واحد كان تقدملك كنتي غا تمشي معاه ، وانا لي كان سحابني حبيتيني وتغامري بحياتك على ودي
سمر : اي واحد اكيد لا ، انا حبيت الحنية والمحبة باش مكتوب اعلان الزواج، وزدت تعلقت بيك نهار شفتك ، ونهار عشت معاك وشفتك كيفاش كتعامل مهدي ، وجدتلو بيتو ، شريتلو البوط ، زدت ذبت فيك ، قبلتيني بكل سلبياتي ، متبناة ، مطلقة ، ام لطفل ،ومدخنة ...عمرك جرحتيني او حسستيني بالنقص ، كي ندير ما نبغيكش وانت غمرتيني باهتمامك وحبك ؟
سعد : حتى انا كنحماق عليك وعمرني حبيت لا منبعدك ولا من قبلك ، انت حياتي فاش مشيتي خليتي عليا الفراغ ، توحشتك وتوحشت مهدي ، حتى من الكلب حزن على فراقكم ...
مشيت مباشرة هزيت حوايجي وحوايج ولدي ، ماما مسكينة شحال بكات ولكن قتليها تجي تسكن فالفيلاج لي قريب منا ، عجبتها الفكرة ، الطريق كاملة وحنا فرحانين فاش وصلنا للفيلا ، قالي سعد نطلو على خالو ، قتلو : مالو ؟ قالي لا غي جميلة ما غا تكونش فالدار اليوم مشات مع خطيبهل ، نشوفو واش خاصو شي حاجة
سمر : شكون خطيبها ؟
سعد : ولد السي ادريس لي عاونك ملي خسرت ليك السيارة
سمر : ماشي صغير عليها
سعد : الحب اعمى يا حبيبتي هههههه

الفصل الواحد والعشرين والاخير : 

بعد مرور سنة من زواجنا ، شحال من حاجة تغيرت ، سعد وقف على رجليه ، ولا معروف فصناعة الاجبان ، تمكن يخلص الديون لي كانت متراكمة عليه ، وصلح الفيلا ، ولات راءعة ، وزاد الخدامة لي متكلفين بالمواشي وصناعة الاجبان ، وشرا شاحنة مبردة لنقل المنتوج ، انا تعلمت نطيب ههههه وبمساعدة سعد زرعت الحديقة الامامية بالورود والخلفية بالخضر ، وانا دابا حاملة بتوام ، لبست لباس طويل بدون اكمام ، وطولت شعري بحال فالماضي ، وجدت اللحم والسلطات والفريت ، غا نشويو فالحديقة ، ماما جات سكنت فواحد الدار فالفيلاج غي على قدها ، عيينا فيها تجي تسكن معانا ما بغاتش ، مهدي تصالح مع صحابو ودارو فريق ديال الكرة ، كناخذ منو غا الكسوة الموسخة والخانزة عرق ههههه ، جميلة تزوجت خطيبها وعايشة معاه سعيدة غا تجي حتى هي اليوم ، وبدلت معاملتها معايا ولات ظريفة ، خال سعد على ما هو عليه غا يحمقلي ولدي بالحرب ولاندوشين ومغامرات الشباب
تجمعنا كاملين داك النهار ، شوينا وكلينا واستمتعنا بالجو ، مهدي طاح دودة هههههه انا وسعد مشينا لبيتنا عنقني وباسني وترمينا فوق السرير ، كما العادة مزال حبنا مشتعل كما النهار الاول ويوم عن يوم كنكتاشفو حاجات فبعضنا واماكن فاجسادنا كتزيد تثيرنا وتشعل الرغبة فينا.. النهاية